Орта білім оқу жетістіктерін сырттай бағалау бойынша география пәнінен тест спецификациясы

Оқушылардың функционалдық сауаттылығын дамыту жөніндегі 2014-2016 жылдарға арналған ұлттық іс-қимыл жоспарына сәйкес 2013 жылы Ұлттық тестілеу орталығында оқушылардың функционалдық сауаттылығын бағалауға арналған тест тапсырмаларының базасы қалыптастырылды.

Функционалдық сауаттылық бойынша әзірленген тест тапсырмаларының түрлері:

1) математикалық сауаттылық – адамның қоршаған әлемінде математиканың рөлін түсіну және анықтай алу, жақсы негізделген математикалық пайымдарды айта алу, жасампаз, қызығушы және ойлаушы азаматқа тән қазіргі кездегі және болашақтағы қажеттіліктерді қанағаттандыру үшін математиканы қолдана білу қабілеттілігі;

2) жаратылыстану-ғылыми сауаттылық (биология, химия, физика, география) – қоршаған ортаны, ондағы адамның қатысуымен туындайтын түрлі өзгерістерді түсініп, ғылыми әдіс-тәсілдер арқылы зерттеп, түрлі бақылаулар мен тәжірбиелер негізінде шешімін тапқан мәселелерді өмірлік жағдайларда жаратылыстану-ғылыми білімдері негізінде қолдана білу қабілеттілігі;

3) оқу сауаттылығы (қазақ тілі, орыс тілі) – мәтін мазмұнын көздеген мақсатына жету үшін қолдана білу, қоғамдық өмірге белсенді араласуы үшін білімі мен мүмкіндіктерін дамыту мақсатында жазбаша мәтіндерді түсіну, ұғыну қабілеттілігі.

Тест базасын қалыптастыру Ережесіне сәйкес барлық тест тапсырмалары екі сараптамадан және апробациядан өткізілді.

Оқушылардың функционалдық сауаттылығын бағалауға арналған тест тапсырмаларының мазмұны халықаралық салыстырмалы (PISA, PIRLS т.б.) зерттеулерде қолданылатын тапсырмаларға ұқсас келеді.

1. Мақсаты: 9 сынып оқушыларының география пәні бойынша дайындық деңгейі мен функционалдық сауаттылықтарының қалыптасқандығын бағалау.

2. 
   Тест мазмұны.
   

География пәні бойынша тест тапсырмалары Қазақстан Республикасы мемлекеттік жалпыға міндетті білім беру стандарты негізінде жасалған оқу бағдарламасына сай құрастырылған.

Жердің табиғаты, саяхатшылар мен зерттеушілер, план және карта, жер қабықтары мен географиялық қабық туралы білімдер, жер халықтарының саны мен олардың орналасуы;

Материктер, дүние бөліктері және мұхиттар, олардың зерттелуі, табиғаты, ерекшеліктері;

Қазақстанның физикалық географиясы және оның зерттелуі, табиғаты, пайдалы қазбалары, ерекшеліктері, экологиялық проблемалары;

Қазақстанның экономикалық және әлеуметтік жағдайы: ел шаруашылығы, халқы, еңбек ресурстары, экономикалық аудандастыру, геосаяси жағдайы;

Табиғи құбылыстар мен экономикалық үрдістер жайлы білімдерін әр түрлі өмірлік жағдайда қолдану;

Табиғи үрдістердің, аумақтардың және салалық өнеркәсіптің себеп-салдар байланысын талдау және анықтау. Табиғат құбылыстарының ерекшеліктерін, статистикалық мәліметтерді және картографиялық материалдарды өндеу, салыстыру және түсіндіру;

Географиялық ақпараттардың (есеп, график, т.б.) түрлері мен формаларын жинақтау және жүйелеу.

Тестінің бір тапсырмасын орындауға берілетін уақыт – 1,5 минут. Тестінің толық орындалу уақыты – 30 минут.

Бір тест 20 тест тапсырмасынан тұрады.

Тест нұсқаларының баламалылығы:

- тестілердің спецификацияға сай құрылуымен;

- барлық нұсқаларда қиындық деңгейінің бірдей болып келуімен жүзеге асырылады.

7.Тапсырмалар формасы:

Берілген бес жауап нұсқасында бір дұрыс жауапты таңдау.