Сұйықтағы молекулалар бір-біріне тығыз орналасқан. Сұйық молекулаларының еркіндігі жоғары. Қатты дененікі сияқты, сұйықтың әрбір молекуласы көрші орналасқан молекулаларымен «қысылып», тепе-теңдіктің белгілі бір қалпынан жылулық тербелістер жасайды. Алайда, кей кезде кез келген молекула көрші бос орынға кете алады. Сондықтан молекулалар кристаллдарда сияқты арнайы центрлерге байланбай, сұйықтың бүкіл көлемі бойымен қозғала алады. Бұл сұйықтардың аққыштық қасиетін түсіндіреді. Жақын орналасқан молекулалардың қатты әсерлесуінен олар бірнеше молекуладан құралған локальды (орнықсыз) реттелген топтарды құруы мүмкін. Бұл құбылыс жақындағы рет деп аталады.