Зарқын Тайшыбай, «Тіл жанашыры-2015»
жүктеу/скачать 16,29 Kb.
|
- Бұл бет үшін навигация:
- // Егемен Қазақстан . - 2015. - 11 қараша
| Зарқын Тайшыбай, «Тіл жанашыры-2015» төсбелгісінің иегері
Кешіккеніне алаңдаулымыз Саналы ғұмырымды журналистикаға арнап келемін. Алғашқы еңбек жолымды аудандық газеттен бастағаннан бері республикалық газет-журналдарды жаздыртып алу- әдетім. Әрине, мен үшін аудандық, облыстық газеттердің орны бөлек. Қай-қайсысын алсақ та, үйрену, шыңдалу мектебі болды. Десек те, жарты ғасырдан бері сырласым, досым саналатын «Егемен Қазақстан» жаныма жақын, көңіліме ыстық. Салмақты ой-пікірлерімен, елдік мәселелерді қозғауымен, шынайы патриотизмді орнықтыруымен халық мінберіне айналып, Тәуелсіздігіміздің орнығуына зор үлес қосып келеді. Мен қатардағы көп оқырманның бірімін. Теріскейліктер бұл жаққа сирек жететін, дүңгіршектерден табыла бермейтін қазақша жарияланымдарға шөліркеп отырады. «Егеменге» белгілі оқымысты Төрегелді Шармановтың «Құндылықтар құлдырауы» деген тамаша мақаласы жарияланғанда талай таныстарым телефон соқты. Бәрінің сұрайтыны– газеттің сол күнгі саны. Оларға қазақша басылымдарға, оның ішінде «Егеменге» жазылыңыздар, үзіп-жұлқып оқығаннан ой-өрісіңіз кеңеймейді деген кеңес бердім. Басқа не дейін! Мұндай қоңыраулар аз шалынбайды. Жасыратыны жоқ, газет-журналдарға жазылғанда алдымен бағасына қарап, жілігі татымас арзанына ұмтылып жататындар арамызда әлі де кездеседі. Бүгінгі күннің көзіқарақты оқырманы жасық пен жасынның аражігін айыра біледі. Сол себепті «Егеменнің» әр санын асыға, тағатсыздана тосатындар Қызылжар өңірінде де жыл өткен сайын көбейіп келеді. 2000 жылдан бері жазылушылар қатары 4 есеге көбейіп, 8 мыңға жетуі соның бір дәлелі. Ахмет Байтұрсынов мерзімді баспасөзді қоғамның құлағына, көзіне теңеп, артына ой саларлық, ғибрат аларлық сөз қалдырған. Бүгінгі күннің биігінен бағамдайтын болсақ, мағынасының тереңдігі, мәні өзгермеген. Жуырда екі жылда бір рет берілетін «Тіл жанашыры-2015» құрмет белгісіне ие болдым. Осынау абыройға жетуіме «Отанымыздың бас газетінің» зор ықпалы болғанын жасырмаймын. Өйткені, «Егемен» беттерінде түрлі тақырыптарға жүйелі жарияланған зерттеу мақалаларым арқылы көпшілікке танылдым. Дөңгеленген дүние төрінде орын алған бүгінгідей қаржылық қиындық кезеңінде «бір жағадан бас, бір жеңнен қол» шығарып, бірлікке, ауызбірлікке, ынтымаққа талмай үндеп келе жатқан басылым жайлы толғана отырып, қазақ баспасөзіне қолдау көрсетіп жүрген азаматтар туралы айтпай кетуге болмас. Солардың бірі – Ұлттық банк жергілікті филиалының директоры Қажырахымов Жомарт бауырымыз еңбек ардагерлеріне, көп балалы отбасыларға, аз қамтылған жандарға тегін жаздырту акциясын он жылдан бері үзбей ұйымдастырып келеді. Өңіріміздегі өзге қалталы адамдар осы бір игі істі қолдар деген ниеттеміз. Шешімін тез арада табатын өзекті мәселенің бірі мынау. «Егемен» Петропавл қаласында басылғаннан бері сол күні қолымызға тиіп, ел жаңалықтарымен лезде танысушы едік. Өкінішке қарай, осы бір қуанышымыз ұзаққа бармады. Жуырда облыстық типографияның меншік иесі өзгеріп, 1 қарашадан бастап басуды тоқтатты. Енді бірнеше күнге кешіктіріп алып, аса алаңдаулымыз. Ал, аудандар мен елді мекендерге тасымал жайы не болмақ? Тіпті, Астанадан облыс орталығына жеткізілетін хат-хабарлардың жолдағы Тайынша, Аққайың аудандарына қалдырылмай, кері тасылатыны тіпті түсініксіз! Сондай-ақ, оқырмандарға газет жетпей қалатын фактілер де кездесіп жүр. Республикалық, облыстық тиісті орындар оқырмандардың мүддесін бірінші кезекте ойластырып, осы жағын жете ескергендері жөн. // Егемен Қазақстан. - 2015. - 11 қараша Каталог: files -> user user -> Қазақстан Республикасы Білім және ғылым министрлігі, жергілікті атқарушы органдар көрсететін білім және ғылым саласындағы мемлекеттік қызмет стандарттарын бекіту туралы user -> Әлия-саптан ұмтылып, Жүгіріп шықты аптығып, Құшақтап алған мылтығын, Кіршігін қақпай қалт тұрып. Сағи Жиенбаев user -> 85. Өнер. Өнер тану Құлахмет Қожықов – қазақ театры мен киносының тұңғыш суретшісі user -> Пайдаланған әдебиеттер user -> Ақын, жазушы Абай Құнанбайұлының шығармашылығына библиографиялық шолу user -> Қазақстан тарихы user -> Дулат Қожахметов Жырдың жез қанатты ақынын еске алуға арналды Облыс орталыгында Кэкімбек user -> Ақиқаттың адамы /Бердібек Соқпақбаевтың 90-жылдығына библиографиялық шолу user -> «елінің ерке серісі» (Ақан сері Қорамсаұлы) user -> Қазақстан тарихы жүктеу/скачать 16,29 Kb. Достарыңызбен бөлісу:
|