Өнеркәсіптік үлгі патентке қабілеттілік шарттары қандай?

Өнеркәсіптік үлгінің патентке қабілеттілік шарттары

Өнеркәсіптік үлгілерге бұйымның сыртқы түрін анықтайтын көркем-конструкторлық шешім жатады. Өнеркәсіптік үлгіге, егер ол жаңа, бірегей және өнеркәсіпте қолдануға болатын болса, құқықтық қорғау беріледі.

Өнеркәсіптік үлгі, егер бұйымның эстетикалық ерекшеліктерін айқындайтын оның маңызды белгілерінің жиынтығы өнеркәсіптік үлгіге басымдық берілген күнге дейін әлемде жалпыға бірдей қолжетімді болған мәліметтерден белгілі болмаса, жаңа болып танылады.

Өнеркәсіптік үлгінің жаңалығын белгілеу кезінде басқа өтінім берушілер ҚР-да патенттеген барлық өнеркәсіптік үлгілер, сондай-ақ өнеркәсіптік үлгілерге берілген барлық өтінімдер олардың неғұрлым ертерек басымдығы шартымен ескеріледі.

Өнеркәсіптік үлгі, егер оның елеулі белгілері бұйымның эстетикалық ерекшеліктерінің шығармашылық сипатын айқындаса, бірегей болып танылады.Егер тиісті Бұйымды дайындау жолымен бірнеше рет қайта жаңғыртылуы мүмкін болса, өнеркәсіптік үлгі Өнеркәсіпте қолданылатын болып танылады.