Тақырыптың негізгі сұрақтары/ жоспары

1. 
   Рухани құндылықтар
   
2. 
   Оқушылармен жүргізілетін оқудан тыс жұмыстардың жүйесі
   
3. 
   Отбасында балалардың тәрбие процесіне ықпал жасайтын жағдайлар
   
4. 
   Ата-аналармен ынтымақтастық және өзара іс-әрекет жасау жүйесі
   

Қазақстан Республикасының «Білім туралы» Заңында білім беру жүйесінің негізгі міндеті — баланың даралығын дамыту, тәрбиелеу және оқыту үшін жағдайлар жасау арқылы интеллектін байыту, бала тұлғасының рухани және дене мүмкіндіктерін ашу екендігі ерекше аталған. Жеке тұлғаның қалыптасуы мен дамуында мына негізгі факторлардың ықпалы зор. Олар: оқу орны, қоғам және отбасы.

Адам тәрбие негізінде жетіліп қалыптасады. Адам болашағын шешетін де тәрбие екендігі ежелден белгілі. Адам өмірінде тәрбие мәңгілік категория болса, оны ұйымдастыру, жүзеге асыру еш уақытта ескірмейтін, қайта күн озған сайын жаңарып, әрбір кезеңнің өз талабына сай жетіліп отыратын үздіксіз үрдіс деп түсінеміз. Білім беру жүйесі алдында оқушыны ойлауға, алдынан шығатын түрлі мәселелерді шешуге қажетті әрекет тәсілдерін үйрету міндеті тұр. Осы орайда өзімнің тәжірибемде топ жетекшісі ретінде оқушыларды колледж қабырғасына келген күннен бастап, рухани құндылықтары мен мүмкіндіктерін байқау барысында сауалнама өткізуден бастаймын.