Кең мағынасында әдіс деп нақты шындықты, табиғат пен қоғам құбылыстарын зерттеу тәсілін айтады. Өзінің сипатына қарай жалпы болып табылатын, материалдық дүниенің дамуының жалпы заңдарын ашатын ортақ әдіс диалектикалық әдіс болып табылады. Оның басты ерекшеліктері болып зерттелетін құбылыстар олардың өзара байланыстылығында және өзара шарттауында, олардың қозғалысында, өзгерістері мен дамуында алынатындығы саналады.
Басқарушылық талдаудың әдісі деп шаруашылық процестерін олардың қалыптасуы мен дамуында диалектикалық зерттеуді айтады.
Басқарушылық талдаудың дәстүрлі тәсілдері (элиминирлеу әдістері, баланстық әдіс, интегралдық әдіс және т.б.), экономико-математикалық әдістер, статистика әдістері (топтастыру, индекстер, орташа шамалар, салыстырмалы және абсолюттік шамалар, вариация көрсеткіштері, корреляциялық және регрессиондық талдау) кеңінен пайдаланылады.
