64. Кез келген программалау тілі программаны жазуға арналған жасанды программалау тілдеріне жатады. Программалау тілі – компьютерлік программаларды жазуға арналған формальды таңбалық жүйе. Программалау тілі программаның сыртқы түрі мен әрекетін анықтайтын, компьютердің басқаруымен орындалатын ережелер жиынтығын анықтайды. Программалау жүйесі жоғарғы деңгейдегі арнайы тілдерді пайдалануға мүмкіндік береді. Мұнда әрбір тіл үшін программалау жүйесі программа мәтінін енгізуші тілден мәшине тіліне автоматты түрде аударуды жүзеге асырады. Программалау жүйесінің көмегімен нақты программалау тілінде жаңа программа құрылады. Программалау жүйесінің негізін тіл құрайды. Деректерді өңдеу үшін оларды жадта сақтау қажет.Сонымен қатар осы деректерге қалай жүгінеміз? Әдетте адамдар бір-бірін аттарымен шақырады, дәл сондай тәсіл программалауда да қолданылады: жадтың әрбір ұяшығына өзінің жеке атауы беріледі. Бұл атауды қолданып, ұяшықтан ақпаратты оқуға және оған жаңа ақпаратты жазуға болады.
