Медициналық ұйымдағы баға белгілеу факторлары: • Ішкі - медициналық ұйымның мақсаттарын қамтиды
меншік нысанына байланысты), медициналық қызмет көрсетуге кеткен шығынның мөлшері және т.б.
• Сыртқы - әлеуметтік факторларды ескере отырып, нарық сипаты мен сұранысты, бәсекелестікті, экономикалық даму тенденциясын талдауды қамтиды.
Медициналық қызметтерге бағаны белгілеу кезінде баға белгілеудің жалпы принциптері ескеріледі:
- баға ұсынылған қызметтерді өндіруге әлеуметтік қажетті еңбек шығындарын көрсетуі тиіс;
- баға тұтынушылық қасиеттер мен қызмет сапасын ескеруі керек;
- баға өндіріс шығындарын жабып қана қоймай, өндірушіге пайданы қамтамасыз етуі тиіс;
- баға осы қызмет түріне сұраныс пен ұсыныстың арақатынасын ескеруі керек;
- бағаны қалыптастыру кезінде осы қызмет түріне бәсекелестердің бағасын ескеру қажет.
Медициналық қызмет көрсетуде баға белгілеудің күрделілігі мыналармен байланысты:
- жалпы алғанда бюджеттік саладағы және денсаулық сақтау саласындағы бухгалтерлік есеп ерекшеліктерімен (шығындардың көптеген түрлерін, оның ішінде жекелеген бөлімшелерде есепке алудың болмауы);
- ауруханалардағы, емханалардағы, параклиникалық қызметтердегі қызметтердің бағасын анықтаудың бірыңғай әдістемесін қолдану мүмкін еместігімен;
- медициналық қызметтердің бір түрінің құрылымының әртүрлілігімен, бұл бір қызмет үшін әр түрлі шығындарды тудырады.
Медициналық көмек өнімнің барлық қасиеттерімен қамтамасыз етілген: ол тұтынушылық құндылыққа ие (денсаулығының өмірлік қажеттілігін қанағаттандырады), ақшалай құндылығы бар. Баға құндылықтың синонимі емес.
