Эпидемиологиялық анамнез: Пәтерде тұрады.Студент. Жұқпалы науқастармен қатынаста болмаған. Жаздың басында таулы аймақта пикникте болған. 6-шы шілдеде достарымен «Капшағайда» шомылған. Үйге қайтар жолында жемістер мен көкөністер сатып алған. Сатып алған кезде жуылмаған жемістердің дәмін көрген. Кафеде тұшпара жеген. Бірге жеген адамдар сау.
Объективті мәліметтер: жағдайы орташа ауырлықта. Есі анық. Тері жабындылары қалыпты, бөртпе жоқ. Перифериялық лимфа түйіндері ұлғаймаған. Өкпесіндегі тынысы везикулярлы, сырылдары жоқ. Жүрек тондары бәсеңдеген, ырғағы дұрыс. ЖСЖ – 98 рет/мин. ҚҚ – 110/70 мм с.б. Тілі ақ жабындымен жабылған, құрғақ. Іші жұмсақ, сол жақ мықын аймақта және шап үстіндегі аймақта ауыру сезімді. Сигма тәрізді ішек спазмдалған. Іш пердесінің тітіркену белгілері жоқ. Үлкен дәреті нәжіссіз, қан қосылған шырыш. Кіші дәретке таңертең барған.
