ТАТАР-БАШҚҰРД РЕСПУБЛИКАСЫ Тамбовтан келген 26 марттағы телеграм хабарына қарағанда бұратана ісін билейтін
комиссариат пен мұсылман комиссариаты Татар-Башқұрд Республикасы туралы кеңесіп,
мынадай қаулыға келген:
1. Оңтүстік Орал алабы, Еділ бойы Татар-Башқұрд Республикасы деп аталсын.
2. Бұл республиканың шегі: Уфа, Орынбор, Қазан гүбірнелеріндегі Башқұрттар отырған
жерлердің шеттері болсын. Бірақ соңғы екі гүбірненің ішінде шуаш, жиремиштер отырған
жерлер Республикаға кірмесін. Башқұрдпен жерлес отырған Фирмский, Уятский,
Сембирский гүбірнелердегі мұсылмандар жерімен Басшқұрд Республикасына кірсін. Бұл
республиканың ішіндегі республикалар советтердің құрылтайына тиісті болсын.
3. Башқұрдстан Республикасының жиылысы һәм шаруа жұмыстары күнбатыспен араласу
жолы татар-башқұрд советтерінің өз сиездерімен шешілсін.
4. Советтер құрылтайын шақыратын комиссияны жасау Россияның орта жеріндегі
мұсылмандар ісін билейтін комиссариатқа тапсырылсын. Осы сияқты жобаларды
народный комиссариат басқа бұратаналарға да жасап отыр.
