Студенттердің өздік жұмыстарын орындауда оқытушының басқаруымен
келесі төрт қызмет баса назарға алынады.
Бірінші – оқу пәні бойынша оқытушының ақпараттарының студенттер тарапынан
белсенді қабылдауы.
Екіншісі – студенттер өздігінен, яғни оқытушының нұсқаулары бойынша оқу-
әдістемелік құралдарды оқиды, үйренеді, әдеби көздермен жұмыс жасайды, үй
тапсырмаларын орындайды, бақылау және курстық жұмыстарды жазады. Бұл кезеңде
студенттерден жұмыстардың әдістерін білу талап етіледі, өз қиындықтарын оқытушыға
жолдап, өздерін ұйымдастыру көзделеді.
Студенттердің үшінші қызметі – қиындық тигізетін жағдайларды жүйелей және
талдай алулары, оқу материалы бойынша түсінуге, игеруге қиындық келтіретін
тақырыптарды анықтауы, басқа да оқу әрекеттерін іске асыруы. Студенттер оқытушы үшін
сұрақтар жүйесін әзірлеп, кейбір күрделі сауалдарын ортаға салады (оларды дұрыстап
жазып, түсіндіруді сұрайды), бұл сұрақтарға қатысты жауаптарын құрады.
Студенттердің төртінші қызметі – оқытушыға кеңес алуға, түсіндіру жұмыстары
бойынша көмек алуға бағытталады.
Достарыңызбен бөлісу: |
