IL=(ƩPtQ0/ƩP0Q0)×100% мұндағы, Q0 – базалық (тұрақты) жылдың өндірілген тауарлар көлемі;
P0 - базалық (тұрақты) жылдың тауарлар бағасы;
Pt – ағымдағы жылдың тауарлар бағасы.
Пааше индексі ағымдағы жылдың тауарлар мен қызметтер бағасына негізделеді.
IP=(ƩPtQt/ƩP0Qt)×100% мұндағы, Qt – ағымдағы жылдың тауарлар мен қызметтер көлемі.
Пааше индексінде тауарлар мен қызметтердің жиынтығы өзгереді және оны ЖҰӨ дефляторы деп те атайды.
Фишер индексі – Ласпейрес және Пааше индекстерінің орташа геометриялық шамасы.
Баға индекстері елдегі инфляция қарқынын, өмір сүру құнының динамикасын анықтау үшін қолданылады.
Ұлттық экономикада жасырын немесе көлеңкелі экономиканың болуы ЖІӨ-нің және ҰЕЖ-нің басқа да көрсеткіштерінің ақиқат шамаларын айқындауға қиыншылықтар тудырады. Экономикалық статистикада көрсетілмейтін экономикалық іс-әрекеттер жасырын жасалады.
