Қатты қалдықтардың өлшемдерін кішірейту. Ол үшін өнеркәсіптерде ұсақтағыш және ұнтақтағыш аппараттардың түрлі типтері қолданылады. Ұсақтау әдісі ірілігі 5 мм болатын қайта өңделетін материалдардың ірі кесектерінен өнім алу үшін қолданылады. Ұнтақтау әдісі қажет болған жағдайда кесек қалдықтарынан дәнді және ұсақ дисперсті фракцияларды ірілігі 5 мм-ден кем алу үшін қолданылады.
Жіктеу және сұрыптау: қатты қалдықтарды ірілігі бойынша фракцияларға бөлу үшін қолданылады.
Кесектер мен бөлшектердің өлшемдерін ірілендіру. Кесектер мен бөлшектердің өлшемдерін ірілендіру үшін түйіршіктеу, таблеткалау, брикеттеу және т.б. әдістерін қолданады.
Қатты қалдықтарды байыту. Өнеркәсіптің қатты қалдықтарын рекуперациялау практикасында гравитациялық, магниттік, электрлік, флотациялық және арнайы болып бөлінетін өңделетін материалдарды байытудың әртүрлі әдістері қолданылады. Гравитациялық әдістер бөлектеу арқылы байытуды, ауыр суспензияларда, көлбеу беттерде қозғалатын ағындарда, сондай-ақ шаюды біріктіреді.
Сұйық фазаның қатысуымен компоненттердің физико-химиялық бөлінуі. Оларға: сілтілеу, ығыстыру, еріту және кристалдану процестері жатады.
