Қазақстанның Ресейге қосылуы барысында орыстардың Қазақстанға жаппай қоныс аударуы бірнеше кезеңдерден тұрып, Кеңес өкіметі тұсында да жалғасын тапқан XVIII ғасырдың басындағы Ресейдің мемлекеттік саясатымен байланысты болды. Крепостной правоның жойылуы Ресей жерінен шаруалардың жаппай қоныс аударуына жағдай жасады. 1861 жылы «Шаруаларды қоныс аудару жөнінде Уақытша Ереже» қабылданып, ол кезең XIX ғасырдың екінші жартысынан ХХ ғасырдың
басына шейін созылды. Қазақстанға қоныс аударушылардың саны осы кезеңде бір жарым миллионға жетті.
Жүз мыңдаған орыс шаруалары Ресейдің шеткі аймақтарына қоныс аударуының басты себебі 1861 жылы крепосной правоны жойғаннан кейінгі Ресейде қалыптасқан аграрлық қатынастарда болды.
1861 жылғы крепосной право шаруалардың жағдайын жақсартпағаны белгілі. Реформаның алғашқы кезінде-ақ шаруаларды «босатқаннан» кейін олар жердің жетіспеуін сезінді.
