Мен Өзіңнен жаһаннамның азабынан, қабір азабынан, мәсих Дәжжалдың бүлігінен және тіршілік пен өлімнің бүлігінен пана сұраймын!» – деп дұға ететін
1
.
Қорыта айтқанда, жалғыз Аллаһқа ғана сеніп, тура жолда жүру
– қабір азабынан құтылудың басты себептерінің бірі. Өйткені
Аллаһ тағала Құран Кәрімде:
«Расында, «Раббымыз – Аллаһ», – деп, сосын туралықта болғандар, оларға қорқыныш жоқ және олар қайғырмайды да» 2 , – деген.
Өлімнен немесе қабірден қорқудың пайдалары
Өлімді, қабірді еске алу немесе олар жайлы әңгіме қозғау адам
баласы үшін қашанда ауыр тиеді. Себебі олар ұзақ өмір сүруді,
үлкен үміт-армандарының орындалуын қалайды. Аллаһ тағала
бізге Құрандағы көптеген аяттарда өлімді ойлап жүруді, өмірдің
келтелігін және үмітті ұзаққа жіберіп оған байланып қалмауды
ескерткен. Өйткені үміт ұзақтығы пендені бейқамдыққа салып,
Ақыретке әзірлігін әлсіретеді. Аллаһ тағала Құран Кәрімде:
