Месопотамиядағы алғашқы орталықтандырылған мемлекеттің негізін қалаушы: Алғашқы орталықтандырылған мемлекеттің негізін қалаушы-Саргон болған. Ол елді 55 жыл билеген (б.з.д. 2316-2261).
Саргонның шын аты белгісіз. Оның таққа отырғаннан кейінгі есімі- “шынайы патша” дегенді білдіреді.
Оның туған қаласын Шумер қаласының патшасы қиратқан. Содан кейін Саргон өзін Аккадтың патшасы деп жариялады. Кейіннен көрші қалаларды жаулап алды. Ол ирригацияның дамуына, жолдардың жақсаруына, Аккадтың территориясының кеңеюіне көп көңіл бөлген. Оның өлімінен кейін елді оның ұлдары басқарады: Римуш одан кейін Маништушу. Саргонның әулеті 150 жыл билік еткен.
