СББ токарлық станоктар айналу денелері типтес бөлшектердің күрделі дайындамаларын ішкі жөне сыртқы өңдеуге қолданылады. Мұндай станоктар СББ станоктар паркі номенклатурасының едәуір бөлігін құрайды. Сандық бағдарламамен басқарылатын токарлық станоктарда технологиялық операциялардың дәстүрлі кешені: қыра кесу, кесу, бұрғылау, бұранда кесу, жөне т.б. орындалады.
СББ токарлық станоктарды жіктеу мына ерекшеліктерге байланысты жүргізіледі:
• шпиндель өсінің орналасуы (тік және көлденең станоктар);
• жұмыста қолданылатын аспаптар саны (бір және көпаспапты);
• аспапты бекіту тәсілі (суппортта, револьверлі бастиекте, аспап¬тар магазинінде);
• орындалатын жұмыстар түрі (центрлік, патрондық, патронды- центрлік, карусельдік, шыбықты станоктар);
• автоматтандыру дәрежесі (жартылай автоматтар және автоматтар).
СББ токарлық станоктар (13 – сурет) револьверлі бастиектер немесе аспаптар магазинімен жабдықталады. Револьверлі бастиектер төрт, алты жөне он екі позициялы болады. Әрбір позицияда дайындаманы ішкі жөне сыртқы өңдеу үшін екі аспаптан орнатуға болады. Бастиектің айналу өсі шпиндель өсіне параллель, перпендикуляр немесе көлбеу орналасуы мүмкін.
Станокка екі револьверлі бастиек орнатылған жағдайда, олардың біреуіне (1) сыртқы өңдеуге арналған аспаптар, ал екіншісіне (2) - ішкі өңдеуге арналған аспаптар бекітіледі (13 – сурет).
