ҚР мүмкіндігі шектеулі балаларды әлеуметтік және медициналық қолдау

1.Сәбилердің психикалық және дене дамуын жаппай тексеру. Ерте жастан көмекті көрсетуді іске асыру үшін жаппай тексеруді(скринингті) перзентханалар мен емханаларда жүргізілуі тиіс.Скрининг –“қатер” тобындағы балаларды анықтау мақсатымен жаппай стандартталған тексеру.

2.Скрининг нәтижесінде анықталған “ қатер” тобындағы балаларды ата -аналарының және өзге де заңды өкілдерінің келісімен психологиялық- медициналық- педагогикалық консультацияларға жіберуді қамтамасыз етеді.

3.Арнайы бала - бақшаларды жалпы үлгідегі бала - бақшалардың арнайы топтарында алғашқы медициналық санитарлық көмек көрсету мекемелердің түзету кабинеттерінде оңалту аймақтарында іске асырылатын түзетушілік жұмыс.

1. Ерте коррекциялық көмек көрсету жүйесін ғылыми- әдістемелік қамтамасыз ету. Бұл жұмыс барысында барлық мәліметтерді жүйелеп, компьютерге енгізу және ғылыми зерттеу бағдарламаларын әзірлеу, оларды іске асыру, нәтижелері бойынша нұсқауларды дайындау.

2. Мемлекеттік құқықтық қамтамасыз ету. Қазақстан Республикасында білім беру, денсаулық сақтау және халықты әлеуметтік қорғауды басқарудың орталық мемлекеттік ұйымдары жұмыс істейді.

Ғылыми жұмыстар бағдарламасының ауқымында Қазақстан Республикасының білім және ғылым министрлігі мүмкіндігі шектеулі балаларға көмек көрсетуді жетілдірудің өзекті мәселелерін арнайы зерттеу жүргізу тапсырмасын анықтайды. Қазіргі уақытта естуінде аутқуы бар балалар үшін ерте жастан қолдау көрсету жағдайлары қалыптасуда. Әйелдерді босандыру мекемелерінде аудиологиялық скринингті өткізіп, кейіннен сәбидің естуінде ауытқушылық пайда болуы қатері бар болған жағдайда балалар емханасында арнайы есепке алып қабілетін аудиологиялық орталықтарында терең тексеруден өткізу қажет. Сол кешенді тексеру нәтижесінде балаға қандай тиімді шаралар қажет екені анықталады, дыбыс күшейткіш аппарат тағу, естуін жақсарту операция,

әлде кохлеар имплант қолдану операция. ҚР кохлеарлық импланттау операциялары нәтижелі өткізіліп жатыр, бірақ операциядан кейін естумен сойлеуін оңалту жұмысы жеткіліксіз болып тұр. Бұл бағыттың болашағы зор, естуінде ауытқуы бар балаларды ерте жастан қолдау

көрсету арқылы сөйлеуіндегі кемістіктердің алдын алып, қоршаған ортаға қиындықсыз бейімдеуге жол ашады.

Медициналық – әлеуметтік педагогикалық патронаж ( МӘПП). Патронаж – дегеніміз балаға оның ата- анасы мен оқытушыларына ерекше көмек көрсету, баланың өмірін сақтау , қалпына келтіру, емдеу, арнайы оқыту, тәрбиелеу және қоғамға бейімдеу мәселелерін шешу бағытында арнайы көмек түрі.

Медициналық – әлеуметтік педагогикалық патронаж (МӘПП) дамуында ауытқуы бар баланың отбасына әр түрлі мамандардың біріге отырып, кешенді оңалту көмек шараларын ұзақ мерзімде қолдануды қалайды.

Кешенді МӘПП психологиялық, педагогикалық, медициналық , әлеуметтік мекемелер мен және қызметтермен жүзеге асырылады. Аталмыш мекемелер мемлекеттік немесе жекеменшік (қоғамдық бірлестіктер, қайырымдылық орталықтар) болуы мүмкін және олар бір бірінің жұмыстарын толықтыра отырып ,дамуында ауытқуы бар балалардың әлеуметтік кеңістікте бейімделудің әртүрлі жолдарын ұйымдастырады ол отбасына әлеуметтік қолдау көрсетудің ұзақ мерзімді шараларына бағытталған.

МӘПП-дың негізіне психологиялық - педагогикалық консультациялар (кеңестер), психологиялық - медициналық әлеуметтік орталықтар диагностикалық және оңалту орталықтары, логопедтік пункттер, ерте жастан көмек көрсету кабинеттері және үйде оқыту ұйымдары кіреді.

МӘПП жүйесі мүмкіндігі шектеулі тұлғалардың, балалардың, дамуын жақсарту мақсатында арнайы білім- беру жүйесінің бір бөлігі ретінде қалыптасады. Кешенді МӘПП-ті ұйымдастыру үшін білім саласындағы түрлі ғылыми - әдістемелік мекемелермен және денсаулык сақтау, әлеуметтік қорғау қармағындағы мекемелермен әрекетті үйлестіру қажет.

МӘПП өз қызметін келесі бағыттар бойынша жүзеге асырады:

- мүмкіндіктері шектеулі балалар үшін қажетті білім алу бағытын анықтап,оқыту мекемесін таңдауға көмектесу;

- білім алуда ерекше қажеттіліктері бар балаларға коррекциялық -педагогикалық дамыту бағдарламаларын өңдеу, іске асыру.

- балаларды әлеуметтену мен оқудың жаңа инновациялық түрлерін қалыптастыруына бағытталған білім беру жүйелерін дамытуға әсер ету.

- түзетушілік –педагогикалық процеске ата - аналарын қосу белсенді қатыстыру үшін арнайы бағдарламаларды әзірлеу, жүзеге асыру;

- өз мүмкіндіктеріне сай баланың еркін дамуы үшін құқықтық кепілдігін жетілдіруге бағытталған қоғамдық - педагогикалық қолдауды жүзеге асыру;

- арнайы білім беру жүйесіндегі жаңа педагогикалық технологияларын, әдістерін енгізу;

- қазіргі қоғамда мүмкіндігі шектеулі адамның мәртебесін көтеруге көмектесу үшін арнайы білім беру саласындағы жетістіктерді көрсету, халыққа түсіндіру бағытында бұқаралық ақпарат құралдарын қолдану;

МӘПП-дың құрылуы отбасы жағдайындағы дамуында ауытқуы бар балаға кешенді көмек көрсетудің , арнайы білім беру жүйесінің дамуын көрсетеді.

МӘПП мекемелер жүйесінің қызметі нәтижелі болуы үшін оған келесі талаптар қойылады :

- патронаж қызметін ата - аналар мен педагог мамандардың қажет етуі;

- сапалы көмек көрсету арқысында мүмкіндіктері шектеулі балалардың қиындықтарының азаюы;

- өмір сүру шектеулігігің дәрежесіне қарамастан баланың даму көрсеткішінің өсуі;

- отбасы ішіндегі қарым –қатынастарын қалпына келуі;

- қазіргі уақытта балалар мәселесін шешу аймағында педагогтардан өзге мамандардың біліктілік сапасын өсуі.

МӘПП-дың процесінің маңызды құрамды бөлігі ерте диагностика мен ерте кешенді көмек көрсету болып табылады, оны ұйымдастырудың нәтижелігіне мүгедектіктің алдын алу дәрежесі тәуелді болады.

Мүгедектіктің алдын алу тек медициналық шаралар ғана емес, сонымен қатар бала дамуын ерте реттеу де жатады.

Қазіргі уақытта коррекциялық педагогикадағы ерте диагностикалау мен ерте педагогикалық көмек көрсету мәселесі бүкіл дүние жүзінде жетекші мәселе боп отыр. Қазіргі уақытта көптеген мемлекеттерде дамуында ауытқуы бар балаларға ерте педагогикалық көмекпен ерте диагностикалау бағдарламалары бар. Осы бағдарламалардың теориялық базасын құру үшін Л .С . Выготскийдің жұмыстарын алған .

Дүние жүзілік тәжірибеде ерте көмек көрсету бағдарламаларына : жаңа туылған сәбилер мен 3 жасқа дейінгі балалардың дамуын тексеру,

Гавайлық ерте білім беру профилі, ” Тандем” дамуды ерте диагностикалау бағдарламалары жатады.

Сонымен қатар ресейлік ғалымдардың ғылыми- әдістемелік еңбектері бұл саланы толықтырды, нақты ерте диагностикалау бағдарламалары, дамуында ауытқулықтар бар балаларға психологиялық – педагогикалық көмек көрсетуді т. Б. жатады.

Ерте көмек көрсету мамандардың айтуы бойынша балаларға неғұрлым ерте көмек көрсетіп және сол жұмысқа ата - анасын қоса, онда, жұмыстын қорытындысы соғұрлым нәтижелі болады дейді.

Дамуында ауытқуы бар балаларға ерте кешенді көмек көрсету мен ерте диагностикалау бағдарламалары өз болашағына жаңа бағдарламалар, кадрларды даярлау, білім беру мекемелерінің қызметін қамтамасыз етудің ортақ ақпараттық жүйесін құруды, әлеуметтік қызметкерлерді, педагогтар мен ата - аналарын даярлауды өз алдына қойып отыр.