Диалогты философиялық тұрғыдан негіздеу

«Неліктен бүгінгі күні білім жүйесінде диалогқа аса көтеріңкі көңіл бөлініп отыр?» деген сұраққа жауап беретін болсақ, қазіргі дәуірде адамгершіліксіз барлық білімнің қажетсіз, ада болып қалатындығы дәлелденген секілді. ХХ-шы ғасыр ізгі мақсаттарды ұстанбаған білімнің қандай қатерлі нәтижелерге әкелетіндігін жан түршіктіретін мысалдар арқылы көрсетті. Жер бетінде тіршілік атаулыны жойып жібере алатын жойқын атомдық және ядролық қару, экологиялық апаттардың өршуі - сондай білімнің нәтижесі. Мұндай нәтижені келесі сөздерден көруге болады: «Мен концлагерді бастан кештім. Мен бір де бір адам көруге болмайтын жәйттерді көрдім:

• 
  білімді инженерлердің газбен тұншықтыратын камераларды салғанын;
  
• 
  білімді дәрігерлердің балаларға у беріп өлтіргенін;
  
• 
  білімді медбикелердің нәрестелерді мерт қылғанын;
  
• 
  университет түлектерінің балалар мен әйелдерді атып, өртегенін.