Фоторепортаж – публицистикалық жанр. Ол шұғыл түсiрiлiп, болған
оқиғаларды жеткiзуде өзiнiң деректiлiгiмен құнды материал ретiнде
пайдаланылады.
Фоторепортаж формалары бiрнеше кадрлардан тұрады. Әр кадры
рет-ретiмен құрастырылады. Көрiнiстер композициялық тұрғыдан өңделедi.
Және триптих түрiнде де жасалады.
Фотосуреттеме – фотопублицистика жанрына жатады. Фотосуреттеме
қысқа әрi нұсқа баяндау тәсiлiмен түсiрiледi. Заман тынысын дәл, ұтымды
көрсетiп, көрермендерiне әрi ақпараттық хабар жеткiзе алады. Журнал
беттерiнде жарияланған фотосуреттемелер болған оқиғадан арнайы тiкелей
хабар беруге арналмаса да, бiрақ шұғыл түсiрiлгенi сезiлiп тұрады.
Фотосуреттемелiк көрiнiстердi көбiне әсерлi, лирикалық туындылар
қатарына жатқызуға болады.
