Ойлау дағдыларының деңгейі
|
Білу және түсіну
Жоғары деңгей дағдылары
|
Орындау уақыты
|
20 минут (15 балл)
|
Тапсырма
Берілген ақпаратты және өз біліміңізді қолданып сұрақтарға жауап беріңіз.
Қазақстан саясаты
Қазақстанның көпвекторлы саясаты түпкілікті жүйеге түсіп, елдің өсіп өркендеуі мен нығаю жолында жұмыс істеп жатыр. Өзінің геосаяси орны мен экономикалық әлеуетіне байланысты Қазақстанға дәл осындай саясатты жүргізу қажетті де. Еуразия құрлығының орталық бөлігінде орналасқан Қазақстанды ірі еуразиялық мемлекет ретінде қарастырып, ортаазиялық өңірдің ғана мүмкіндіктерімен шектеп, тар ауқымды географиямен тұйықтау жөн болмайды. Мұндай ұстаным еліміздің әлеуеті мен ұлттық мүдделеріне кереғар келер еді.
Елбасы Н.Ә.Назарбаев Қазақстан Конституциясына өзгерістер енгізу арқылы жүзеге асырылатын саяси реформалардың басты факторлары мен аспектілерін атап көрсетті. Жаңа заң Парламенттің мемлекеттік істердегі, соның ішінде Үкіметті жасақтаудағы рөлін айтарлықтай күшейтеді. Парламент пен Үкіметтің өкілеттіктерін кеңейту ел экономикасының үшінші жаңғыруының мақсаттарына тиімдірек қол жеткізуге септігін тигізетін болады. Бір айқын мәселе – Қазақстанның өзіне тән саяси моделі, яғни тұрақты президенттік билік сақталады. Сонымен бірге, Парламент пен Үкіметтің өкілеттігі неғұрлым кеңейіп, олардың рөлі арта түседі. [2]
Қазақстан ХХІ ғасырдың басында тәуелсіз әрі өзіне сенімді болып отыр. Жаһандық дағдарыстың жалғасуының әсерінен әлемде болып жатқан өзгерістер бізді үрейлендірмейді. Біз оларға дайынбыз. Біздің ендігі міндетіміз – егемендік жылдары қол жеткізгеннің барлығын сақтай отырып, ХХІ ғасырда орнықты дамуды жалғастыру. Біздің басты мақсатымыз – 2050 жылға қарай мықты мемлекеттің, дамыған экономиканың және жалпыға ортақ еңбектің негізінде берекелі қоғам құру. Мықты мемлекет күнкөріс саясатымен емес, жоспарлау саясатымен, ұзақмерзімді дамумен және экономикалық өсумен айналысады. Мықты мемлекет экономикалық жедел өсу жағдайын қамтамасыз ету үшін аса маңызды болмақ.
Егемен Қазақстан. 2005. 23 ақпан, 2 бет
|
Достарыңызбен бөлісу: |
