Атырау облысы,
Мақат ауданы,
Мақат поселкесі
Х.Санбаев атындағы орта мектебінің
химия пәнінің мұғалімі: Құсайын Ардақ Ұзақбайқызы
Санаты: I
Еңбек өтілі: 12 жыл
Өткізілген күні:
Сыныптар: 8 «Б», 8 «В»
Сайыстың тақырыбы: «Үздік химиктер сыныбы- 2014 жыл»
білім сайысы.
Сайыстың мақсаты: Әр түрлі ұлттық үрдіс элементтерін пайдаланып және пәнаралық байланыстарды қамту арқылы пәнге қызығушылығын, ойлау, есте сақтау қабілеттерін жетілдіру.
дамытушылығы: Топтасып жұмыс істеуге, белсенділікке, іскерлікке, ұлттық дүниетанымға тәрбиелеу.
Қызықты сайыстың жүру барысы:
Оқушылар екі командаға бөлінеді.
8 «Б» сыныбы- Ойшылдар командасы
8 «В» сыныбы- Зеректер командасы.
Қызықты сайыс төмендегідей кезеңдерден тұрады.
1 кезең. Сәлемдесу. (әр команда төсбелгісін, ұранын, қарсыластарға, әділқазы алқасына сәлем жолдайды.)
2 кезең.Сырыққы шығу- «Әркімнің өзі шығар биігі бар». Әр командаға
6 сұрақтан қойылады.
3 кезең. Алтын қабақ ату- «Өнер-ағып тұрған бұлақ, ілім- жанып тұрған шырақ». Берілген формулаларды қателеспей теріп алып 4 түрлі себетке орналастыру керек. (оксидтер, қышқылдар, тұздар, негіздер)
4 кезең. Тал отырғызу- «Әдепсіз өскен баладан тәртіппен өскен тал жақсы».(Төменде берілген айналуларды жүзеге асыратын реакция теңдеулерін жазу керек)
5 кезең. Күш сынасу- «Білігі күшті бірді жығады, білімі күшті мыңды жығады».
«Әр командаға есептер таратылады, есепті шығаруға 10 минут уақыт беріледі.
«Жанкүйерлер көрімдігі» ұйымдастырылады. (Сіздерге жұмбақ жасырылады, соны қазақша, орысша, латынша атауын айтасыздар?
6 кезең. Үй тапсырмасы» Қызықты тәжірибе орындау.
8 «Б» сыныбы: Сутек асқын оксидінің ыдырауы.
8 «В» сыныбы: Алма неге қараяды?
7 кезең. Арқан тартыс- «Асу бермес асқар жоқ». Екі команда мүшелері бір- бірінің сөзжұмбақтарын, ребустарын алмастырып орындайды.)
8 кезең. Әр команданың оқушылары оз өнерлерін көрсетеді.
9 кезең. Қорытындылау. «Білімнің басты бейнет, түбі зейнет». Жеңген командаға жеңімпаз атағы беріліп, белсенді оқушылар марапатталады.
2 кезең. Сырыққа шығу- «Әркімнің өзі шығар биігі бар».
8 «Б» сыныбы «Ойшылдар командасына» төмендегі сұрақтар қойылады?
Сүзу әдісімен бөлінетін ерітінді дегеніміз не? (Сүзінді деп аталады)
Химиялық формула дегеніміз?(заттың құрамын химиялық элемент таңбалары және индикстер көмегімен шартты түрде бейнелеу)
Орынбасу реакциясы дегеніміз не?
Оттек латын тілінен аударғанда қандай мағана береді? (oxygenium- оксигениум қышқыл тудырушы деген мағана береді)
Ауаның орташа молярлық массасы, молярлық көлем (қ.ж) нешеге тең?
(М ауа= 29, V (қ.ж)= 22,4 л/ моль)
Сутекті қай жылы ағылшын ғалымы алды? (1776 ж ағылшын ғалымы Г. Кавендиш)
8 «В» сыныбы «Зеректер командасына» төмендегі сұрақтар қойылады?
Бейорганикалық қосылыстар класын нешеге жіктейміз және оларды ата? (оксидтер, қышқылдар, тұздар, негіздер)
Алмасу реакциясы дегеніміз не?
VII А топша элементтерін ата? (фтор, хлор, бром, йод, астат)
Д.И.Менделеевтің периодтық жүйесінде неше период, неше қатар, неше топтан тұрады? (7 перид, 10 қатар, 8 топтан, 16 топшадан тұрады)
Қай жылы ағылшын ғалымы атом құрылысының «планетаралық» моделін ұсынды? (1911 жылы ағылшын ғалымы Эрнест Резерфорд)
Д.И.Менделеевтің перидтық жүйесінде s, p,d,f элементтер сандары нешеу? (s-14, p-30, d-38, f-28)
3 кезең. Алтын қабақ ату- «Өнер- ағып тұрған бұлақ, ілім- жанып тұрған шырақ».
8 «Б» сыныбы:
KOH, HCI, Na2O, CaSO4, H2SiO3, H2SO4, MgCI2, HBr, SO3, H2CO3, K2CO3, CuOH, NH4OH, AI2O3, BaCI2, Cu2O, Na3PO4.
8 «В» сыныбы:
AgNO3, MgSO4, Ca(OH)2, CaO, Fe(OH)3, Pb(NO3)2, Cr2O3, ZnO, HNO3, HNO2, H2SO3, HBr, Cr(OH)3, MgI2, H3PO4, H3PO3.
4 кезең. Тал отырғызу- «Әдепсіз өскен баладан тәртіппен өскен тал жақсы».
«
Төменде берілген айналуларды жүзеге асыратын реакция теңдеулерін жазыңдар?
«В» сыныбы. Na→ Na2O → NaOH → Na2SO4
«Б»сыныбы.Ca → CaO → Ca(OH)2 → CaCO3→ CO2
5 кезең. Күшті сынасу- «Білегі күшті бірді жығады, білімі күшті мыңды жығады».
Есеп, есеп, есеп-ай,
Есеп білмес есек ай.
Есеп білмес баланы,
Еркелетпес ешкім-ай.
8 «Б» сыныбы. Ойшылдар командасы.
Құрамындағы сутек, күкірт және оттек атомдарының қатынастары 1:16:24 болатын қышқылдың формуласын табыңдар?
Массасы 7,1 г P2O5- ді судың артық мөлшерімен әрекеттескенде түзілетін ортофосфор қышқылының ( H3PO4) массасын табыңдар?
8 «В» сыныбы. Зеректер командасы.
30 г тұзды 170 г суда еріткенде түзілетін ерітіндідегі тұздың массалық үлесі (%) қандай болады?
7,65 г BaO- ді сумен әрекеттескенде Ba(OH)2- нің қандай массасы түзілетінін есептеңдер?
Химиялық элементтерге жұмбақ жасырылады, тапқан химиялық элементтің атын қазақша- орысша- латынша атаукерек. Жинаған ұпайыңыз өз сыныбыңызға қосылады.
Өзім газбын менімен демаласың,
Жоқ болсам ауа жетпей қиналасың.
( оттек-кислород- оксигениум)
Осы затпен ескі үйді аластайды,
Түсіне қарасаң алтынға ұқсайды.
( күкірт- сера- сульфур)
Өзі ауыр металға жатады,
Балалар осы металл құйған сақамен атады.
(қорғасын- свинец- плюмбум)
Машина мен трактордың жаны,
Қара металлургияның наны.
(темір-железо- феррум)
6 кезең. «Үй тапсырмасы»
Қызықты тәжірибе орындау.
8 «Б» сыныбы: «Сутек асқын оксидінің ыдырауы»
8 «В» сыныбы: «Алма неге қараяды?»
7 кезең. Арқан тартыс- «Асу бермес асқар жоқ.»
Екі топ командалары үйден дайындап келген сөзжұмбақтарын, ребустарын алмастырып орындайды.
8 кезең. Әр команданың оқушыларыөз өнерлерін көрсетеді.
кезең. Қорытындылау. «Білімнің басты бейнет, түбі зейнет».
Әділқазылар алқасының пікірлері тыңдалады.
Ойынға қатысқан оқушылар марапатталады.
Білім деген биік шың,
Бақытқа сені жеткізер
Білім деген ақылшың,
Қиындықтан өткізер.
Достарыңызбен бөлісу: |
