Қазақ Хандығына 555 жыл 1465 – 2020

Қазақ халқының саяси бытыранқылығын жойып, мемлекет етіп құруда Ақ Орданың билеушісі Ұрұс ханның ұрпақтары Керей мен Жәнібек сұлтандардың үлесіне тиді. Билікті жүргізу үшін Жәнібек пен Керей сұлтандар Шыңғысханның ұрпақтарымен күресіп, ру ақсақалдарымен бірге, егінші және малшылардың, сонымен қатар, әр түрлі әлеуметтік топтардың мүддесімен сай келді. Дәл осы жағдайлар тайпалардың дербес өз мемлекетін, қазақ хандығын құруға деген ұмтылысын айқын бейнелеп берді

Керей мен Жәнібектің Батыс Жетісуға көшіп келуі туралы алғаш көрнекті ғұлама, тарихшы Мұхаммед Хайдар Дулатидың шығармасында кездеседі. Онда Керей мен Жәнібектің Батыс Жетісуға қоныстануын 1465-1466 жылдар деп келтіреді. «Сұлтандар Батыс Жетісуды құтты мекен ете отырып, 1465-1466 жылдары Қозыбасыда Қазақ хандығын құрды»,- деп келтіріледі. Бірақ анық мерзімді тек Аллаһ ғана біледі деп нақты айта алмаған. Мұхаммед Хайдар Дулатидың нақты уақытты біле алмауына себеп оның сол заманда болмағандығы. Ол бұл оқиғаны тек 100 жылдан кейін жазған