«Қазақстан-2050» стратегиясы: бір халық – бір ел – бір тағдыр» тақырыбында қазақстан республикасының білім беру ұйымдарында білім күнін өткізу бойынша әдістемелік ұсыныстар

Сондықтан жыл сайын 1 қыркүйекте мектептерде салтанатты жиын және алғашқы сабақ өткізіледі. Бұл Білім мерекесі!

Мерекеге қатысушылардың барлығы үшін, әсіресе бірінші сыныпқа келген бүлдіршіндер үшін бұл әсерлі күн.

Мектеп оқушылары есейіп қалған сыныптастарымен кездеседі, жаңа мұғалімдер және пәндермен танысады.

Мектеп бітірушілер мектеп қабырғасындағы соңғы оқу жылын өткізеді және мектепте өткен қызықты оқиғаларды өмір бойы есте қалдыруға тырысады.

Бұл мерекенің ұстаздар үшін де өз ерекшеліктері бар. Сынып жетекшісі үшін сынып оқушыларының қалай өзгергені және оларға қазіргі уақытта не қызық болатыны туралы мәселелер өзекті.

Сынып жетекшілері емес пән мұғалімдері үшін де жаңа оқу жылының міндеттерін орындауға құлшындыратындай мерекелік көңіл-күй жасау қажет.

1қыркүйек –ұжымды біріктіретін,әркімнің жүрегіне жақын атаулы күн.Педагогтар осы мерекені жақсы өткізуге тырысулары керек.

Мерекені ұйымдастырушылар:

мерекенің міндеттерін анықтау, оның сәтті өтуі үшін барлық жағдайларды жасау, материалдық қолдауды және техникалық жабдықтарды қамтамасыз ету;

салтанатты жиын, алғашқы сабақ, бірінші сынып оқушылары мен олардың ата-аналары үшін мереке қарастырылған бағдарлама әзірлеу;

мектептің өзін-өзі басқару мүшелері, сынып жетекшілері, ән, бейнелеу, қосымша білім беру педагогтеріжәне ата-аналардан құралатын пікірлес адамдардың командасын жинау қажет.
«Қазақстан-2050» Стратегиясы:

бір халық – бір ел –бір тағдыр»

тақырыбындағы «Білім күні»мерекесінің мазмұны
Балалық жылдар – зерденің, білім алуға уәждеменің дамуы, адамдарға, өзінің кіші отанына, еліне тек мектеп қабырғасында ғана емес, бүкіл өмір бойы пайдалы болуға тырысуды қалыптастыру үшін қолайлы кезең.

Мемлекет саясаты мектеп оқушыларына зияткерлік және рухани қалыптасып, шынайы құндылықтарды бойына сіңіріп, әр тұлғаның ұят, ар, намыс негіздерін сақтауға көмектесу секілді басты міндеттерді орындауға бағытталған.

«Өз еліне пайдалы болу, өз Отанының тағдырына жауапты болу – бұл әрбір қазақстандықтың борышы және ар-намысы». Президенттің бұл сөздері әр педагогтің және мектеп оқушысының өмірлік қағидасы болуы тиіс.

Мектеп балаларды өз Отанын – тәуелсіз Қазақстан Республикасын сүюге, оның лайықты азаматы болуға, қоғамдағы татулық пен тұрақтылықты сақтауға тырысуға үйретуі қажет.

Жиында Қазақстан Республикасының Мемлекеттік Туы Әнұран орындалуы кезінде салтанатты түрде енгізіледі.

Осыған байланысты Қазақстан Республикасының Білім және ғылым министрлігі білім сабағын «Қазақстан-2050» Стратегиясы:бір халық – бір ел – бір тағдыр» тақырыбы бойынша өткізуді ұсынады.

Білім сабағын өткізу түрінің маңызы ерекше. Сондықтан:

1-4 сыныптарда – саяхат, жарыс, ойын сабақтары;

5-8 сыныптарда – пресс-конференция, сабақ-викторина, оқушылар жобаларының тұсау кесері;

9-11 сыныптарды – іскерлік ойын, пікірталас түрінде өткізген жөн.

Білім сабағына ардагер ұстаздар, дарынды студенттер, ғылымда биік жетістіктерге жеткен жас ғалымдар шақырылады. Сабақта өңірдің (ауыл, қала, аудан) тарихы мен қазіргі дамуы жөніндегі материалдарды қолданған жөн.

Білім сабағының бөлімдерін республикамыздың қоғамдық маңызды оқиғаларына арнауды ұсынамыз:

Білім сабағының бір бөлігін елорданың қалыптасу тарихына арнауды ұсынамыз.

2017 жылғы 10 маусым мен 10 қыркүйек аралығында «ЭКСПО-2017» 100 қатысушы мемлекет пен 10 халықаралық ұйымды қабылдайды. Олар жаңартылған энергия көздерін қолдану саласындағы жетістіктерін, олардың экологиялық тазалығы, қолданыстағы төмен бағасы және қоршаған ортаға зиянсыздығы сияқты артықшылықтарын көрсетеді.