Сурет-62. Дж.Рензуллидің үш шеңберлі моделі Дж.Рензуллидің көзқарасының маңызды жағы дарындылықты табиғи
құбылыс деп түсіндіре келе, «дарындылық» ұғымының «әлеует» (потенциал –
латын сөзі porentia – күш, бір нәрсеге қабілеттілік) ұғымына алмастырады.
Оның моделі әмбебап секілді дарынды балаларды оқыту мен тәрбиелеу
процесінде ғана емес, барлық балаларға да қолдануға болатыны анықталды.
Осы тұжырымдама әртүрлі бағдарлама жасауға негіз болған.
Дарынды балаларды қолдау мақсатында Қазақстан Республикасында
1996 жылдан бастап, дарынды балаларға арналған Дарын мектептері ашылды.
Дарынды балалармен жұмыс істеу жүйесін жүзеге асыру үшін жас
таланттарды табу мен қолдауға мемлекеттік «Дарын» бағдарламасы бекітілген.
Бұл бағдарламаның мақсаттары төмендегідей негізде көрсетілген:
дарынды балалар мен жастарды іздеу (анықтау), тәрбиелеу және
оқытудың негізгі стратегияларын айқындау;
Қазақстан Республикасының интеллектуалдық әлеуетін біртекті үздіксіз
құру, қалыптастыру және дамыту процестерінің біртұтастығы;
талантты жастардың қоғамдық-мәдени тұрғыда қалыптасуына ықпал
жасау.
Заманауи ғылыми білім-білікке ие және еліміздің инновациялық дамуына
үлесін қоса алатын, интеллектуалды тұлға дайындауда дарынды балаларға
әлемнің үздік университеттерінде білім алуға мүмкіндік беретін, Қазақстан
Республикасы Президентінің «Болашақ» халықаралық стипендиясын іске
асыру, еліміздегі адами капиталдың дамуына қосылған елеулі үлес болды.
