Қазақстан республикасы білім және ғылым министрлігі «мектепке дейінгі балалық шақ» республикалық орталығы балаларды толық КҮн болатын шағын орталықтарда
жүктеу/скачать 1,29 Mb.
|
- Бұл бет үшін навигация:
- Көркем әдебиет
- Орыс тілінің
| «ҚАТЫНАС» білім беру саласы (72 сағ)
Мақсаты: ана тілін және мемлекеттік тілді үйренуге дайын, ересектермен және құрдастарымен қарым-қатынас жасауға дайын, мектепке дейінгі кіші жастағы бала тұлғасын қалыптастыру, қарым-қатынас құралы ретінде халық тіліне, тарихы мен мәдениетіне құрмет көрсетуге тәрбиелеу. Екінші кіші топтағы «Қатынас» білім беру саласының мазмұны ұйымдастырылған оқу іс-әрекетінде жүзеге асырылады: - тіл дамыту, 36 сағ. («Тіл дамыту» тарауының мазмұнына келесі бағыттар кіреді: тілдің дыбыстық мәдениетіне тәрбиелеу; сөздікпен жұмыс істеу; сөздің грамматикалық жағын қалыптастыру; байланыстырып сөйлеу; шығармашылық тілдік қызмет). «Тіл дамыту» тарауының мазмұны ұйымдастырылған оқу іс-әрекеті барысында ғана емес, сондай-ақ күні бойы алуан түрлі балалар іс-әрекетінде жүзеге асуы тиіс. - көркем әдебиет, 18 сағ. («Көркем әдебиет» тарауының мазмұнына келесі бағыттар кіреді: оқу мен әңгімелеуге арналған шығармалар; жаттауға арналған шығармалар; сахналандыруға арналған шығармалар); - орыс тілі, 18 сағ. (тараудың мазмұнына келесі бағыттар кіреді: тілдің дыбыстық мәдениетіне тәрбиелеу; сөздікпен жұмыс істеу; сөздің грамматикалық жағын қалыптастыру; байланыстырып сөйлеуді дамыту). Тіл дамыту әдістемелігінің мазмұнын игеру нәтижесінде, жыл соңында балалар мыналарды меңгеруі тиіс: - сөздерде а, у, и, о, э дауыстылары мен кейбір п-б, т-д, к-г, н-ң, с-з-ш дауыссыздарын анық етіп айту); - сөздерді жекеше-көпше түрде, септік жалғауларымен үйлестіру; - анықтауыш, толықтауыш пен пысықтауыштарды енгізу арқылы жай сөйлемдерден күрделі сөйлемдер құрастыру; - сұрақтарға жауап беру; - тәрбиешінің үлгісі бойынша ойыншықтар туралы және сурет бойынша әңгімені қайталау; - таныс әдеби туындылар мен ертегілерден алынған үзінділерді сахналандыруға қатысу; - шағын тақпақтар мен өлеңдерді жатқа оқу. Көркем әдебиет мазмұнын игеру нәтижесінде, жыл соңында балалар мыналарды меңгеруі тиіс: - тәрбиеленушінің сұрақтары көмегімен көркем шығарманың мазмұнын әңгімелеу; - шағын тақпақтар мен өлеңдерді жатқа оқу; - көркем әдебиет туындыларының мазмұны бойынша сұқбатқа қатысу; - тәрбиешінің көмегімен таныс ертегілерді сахналандыру. Орыс тілінің мазмұнын игеру нәтижесінде, жыл соңында балалар мыналарды меңгеруі тиіс: - жақын айналасындағы кейбір заттарды атау; - іс-әрекеттерді түсіну мен орындау: ал, бер, әкел; - жай сөйлемдер құрастыру: «Мынау – доп», «Мынау – менің анам, әкем», «Менің атым Айдос, Айгүл»; - ересектердің үлгісімен ойыншық, жемістер, жақын айналадағы заттардың қысқаша сипаттамасын қайталау (2 сөйлемнен); - қысқа тақпақтар мен әндерді жатқа білу. жүктеу/скачать 1,29 Mb. Достарыңызбен бөлісу:
|