Қазақстан республикасы білім және ғылым министрлігі «мектепке дейінгі балалық шақ» республикалық орталығы балаларды толық КҮн болатын шағын орталықтарда
ЖАСТАН БАСТАП 5 ЖАСҚА ДЕЙІНГІ БАЛАЛАРҒА АРНАЛҒАН
жүктеу/скачать 1,29 Mb.
|
| 4 ЖАСТАН БАСТАП 5 ЖАСҚА ДЕЙІНГІ БАЛАЛАРҒА АРНАЛҒАН
ОҚУ ЖОСПАРЫ Балалардың жас ерекшеліктерінің сипаттамасы Балалар осы жаста заттар мен құбылыстар арасындағы байланысты түсінуін айқындау мен көрсету мақсатында, ересектерге көп сұрақ қояды. Құрдастарымен қарым-қатынас жасау қажеттілігі бірден арта түседі, бала құрдастарының арасындағы өз орнын сезіне бастайды, беймазалық пен ығыр етуді теріс бағалай алады. Сұхбаттасының эмоционалды күйін сезіну қабілеті, коммуникативтік икемділіктер дамиды – балалар сыпайы сәлемдесе алады және қоштаса алады, басқа адамды аты-жөнімен атай алады. Атап айтсақ, қарым-қатынаста «Мен» бейнесі қалыптасады. Бала өзі жасаған іс-әрекетті басқа адам мен өзі үшін физикалық және эмоционалды күй салдарлары тұрғысынан бағалай алады. Оған пайымдаудың мәні түсінікті бола бастайды. Баланың бойында қызығушылықтар мен құндылықты бағдарлар, белгілі бір іс-әрекет түрлерін, қыздар мен ұлдарға тән іс-әрекет тәсілдерін ұнатуы жинақталады (мысалы, «қыздар қуыршақпен, ал балалар машинамен ойнайды және т.б.). Көркем туындыны қабылдауы, музыкаға үн қатуы арта түседі, қиялы, білімге құмарлығы жүзеге асады, мұның өзі қызығушылықтар мен қабілеттерді айқындау үшін қолайлы негіз болып табылады. Бес жасқа қарай өзара қатынастар жүйесі қалыптасады, топтық ынтымақтастыққа деген неғұрлым сыни баға жинақталады, баланың достары пайда болады. Бес жасар бала ұзақ әңгімелерді, түсіндірулерді қабылдайды, өйткені оның бойында таңбалық-символдық функция (әріптерге, цифрларға қызығушылық) мен неғұрлым тұрақты зейін пайда болады, ерікті есте сақтау қабілеті туындайды, қабылдауы мен елесі жетіледі, көрнекі-образдық ойлаудың жоғары формалары дамиды: пайымдай білу, ой қорытындысын жасау, саралау қабілеті жетіледі. Сөйлеудің мәні алуан түрлі ақпаратты, ойлар мен пайымдарды тарату тәсілі ретінде ұлғая түседі. Әңгіме тәжірибелік бақылау және эксперимент жасаумен қатар тиімді тәсілге айналады. Бес жасқа қарай «тұлғаның психологиялық портреті» жинақталады, «мұнда маңызды рөл құзыреттілікке, әсіресе, зияткерлік құзыреттілікке беріледі, өйткені бұл жас «бұл не?» деп сұрай беретін жас болып табылады. Мүлдем жаңа қабілет пайда болады: ойдан шығарылған кейіпкерлер үшін күйзелу, яғни балаларға басқа адамның ішкі өмірі қолжетімді бола бастайды. жүктеу/скачать 1,29 Mb. Достарыңызбен бөлісу:
|