Курстың мақсаты: тұтас педагогикалық процесс жағдайында болашақ мұғалімдердің практикалық іс-әрекетке көшуіндегі теориялық білімдері мен практикалық іскерліктерінің жүйесін қалыптастыру.
Курстың міндеті:
Болашақ мұғалім даярлаудың негізі ретінде кәсіптік іс-әрекеттің теориясымен құралдандыру;
Болашақ мұғалімдердің өзінің кәсіби қызметіне жүйелі көзқарасын қалыптастыру;
Болашақ мұғалімнің кәсіби маңызды жеке тұлғалық сапасын қалыптастыру (гуманизм, адамгершілік, жүйелі көре білу, педагогикалық ойлау, ұжымдылық, педагогикалық әдеп, толеранттық және т.б.);
Студенттердің шығармашылық ғылыми-ізденіс жұмыстарға, өздігінен білім алуына дайындығын қалыптастыру.
«Жалпы педагогика» курсы пәнаралық байланыс талабын орындауды жүзеге асыратын гуманитарлық білімдер жүйесіндегі ғылым ретінде интеллектуалды жеке тұлғаны қалыптастыруға бағытталған.
«Жалпы педагогика» курсын оқытудан бұрын әлеуметтік-гуманитарлық пәндер (философия, әлеуметтану, жас ерекшелік психологиясы, мәдениеттану және т.б.), сонымен қатар педагогикалық циклдің «Мұғалім мамандығына кіріспе», «Адамзат тарихындағы педагогикалық ой-пікірлер мен мектептердің дамуы» пәндері оқытылады.
«Жалпы педагогика» курсын оқып білу барысында әртүрлі педагогикалық құбылыстар, пәнаралық бағыттағы педагогикалық процестің ерекшеліктері қарастырылады.
Кешенге тест тапсырмалары, пайдалануға ұсынылатын әдебиеттер, мәнжазба тақырыптары, өздік жұмыс тапсырмалары қоса енгізілді.
Пәннің оқу-әдістемелік кешені жоғарыда аталған мақсаттар мен міндеттерді жүзеге асыру үшін қажетті оқу-әдістемелік материалдардан тұрады.
Достарыңызбен бөлісу: |
