Көрсеткіш орындалды Білім беру ұйымдарын аккредиттеу ерікті негізде жүргізіледі. Аккредиттеуді өткізу немесе өткізбеу туралы шешімді білім беру ұйымдарының берген өтінімдерін және аккредиттеу органмен белгіленген құжаттар тізімін қарастыру нәтижесі бойынша аккредиттеу органы қабылдайды. Аккредиттеу білім беру ұйымдарының өз қаражаты есебінен өткізіледі. Білім беру ұйымдары өкілетті органның тізіліміне енетін аккредиттеу органдарында ұлттық және халықаралық институционалдық, мамандандырылған аккредиттеуден өтуге құқылы.
Есептік кезеңде халықаралық мамандандырылған аккредиттеуден 30 қазақстандық ЖОО өтті (оның ішінде: ұлттық – 5, акционерлік – 5, мемлекеттік – 14, жеке меншік – 6). Аккредиттелген білім беру бағдарламалар саны 223-ті құрады, оның ішінде бакалавриат бойынша – 111, магистартура бойынша – 87, докторантурада – 25.
Бүгінгі таңда жоғары және жоғары оқу орнынан кейінгі мамандықтар жіктеуішінде 599 мамандық бар, олардың ішінен бакалавриатта – 174, магистратурада – 189, резидентурада – 50, докторантурада – 186.
Әрбір мамандық бойынша білім беру бағдарламасы әзірленеді.
Халықаралық еуропалық желілердің толық мүшесі болып табылатын және білім беру саласындағы уәкілетті органның тізіліміне енгізілген агенттіктерде халықаралық аккредиттеуден өткен мемлекеттік ЖОО-лардың білім беру бағдарламаларының үлесі 37%-ды құрады.
