Қазақстан Республикасы Мәдениет және спорт министрлігі Тілдерді дамыту және қоғамдық
жүктеу/скачать 10,84 Mb. Pdf көрінісі
|
Қазақ тілі. Оқулық В1
| Xi
БӨ ЛІМ Екіншіден, еліміздің басқа университеттерімен салыстырғанда, Назарбаев Университетінде студенттердің оқуы мен университет жатақханасында жайлы тұрулары үшін барлық қажетті жағдай жасалған: жиһаз, тегін ғаламтор, кір жуатын орын, сабақ оқуға арналған бөлмелер. Бұл оқу орнында тек мемлекет тарапынан тағайындалған грант иелері оқиды, сол себепті жатын орны мен тамақтану тегін (күніне 4 рет). Үшіншіден, студенттерге өзге жергілікті оқу орындарының студенттеріне қарағанда академиялық еркіндік берілген, неге десеңіз, оқыту жүйесін, сабақ кестесін, мұғалімдерді олардың өздері таңдайды. Сонымен қатар, студенттер өз білімін тәжірибе жүзінде де көрсете алады, себебі халықаралық пәнаралық инструменталдық орталықтың мақсаты - ерекше қымбат тұратын талдау жабдығын тиімді пайдалану, пәнаралық іргелі және қолданбалы зерттеулерді өткізу. Бұл орталықтың базасында жоғары технологиялық бірнеше зертхана ашылуда. Зертханалар физика, химия, материалтану, биология, техника және медицина сынды пәнаралық бағыттарды қамтиды. Спорт сүйетін жандарға арналған екі теннис корты, екі футбол алаңы, баскетбол алаңдары және де спортзал бар. Университет Астананың сол жағалауында, қаланың экологиялық таза бөлігінде орналасқан. Назарбаев Университетінің сәулеті қалалық ортаны жағымсыз сыртқы әсерден қорғайтын экологиялық орман принциптеріне негізделген. Университетте арнайы қазақ тілі кафедрасы бар, себебі студенттердің ана тілінде шешендік өнер, көпшілік алдында сөйлеу шеберліктерін меңгерулері ескерілген. Көптеген мүмкіндіктерге қарамастан, Назарбаев Университетінде білім беру жүйесі өзгеше, сондықтан аталған университетке түсу ережелері де өзгеше. Орта мектеп оқушылары мұндағы бағдарламалармен таныс емес. Қосымша дайындық арқылы ғана бұл емтихандарды тапсыра алады. Жоғарыда айтылған кемшіліктерге қарамастан, Назарбаев Университеті - көптеген мүмкіндіктер мен жарқын болашаққа жол ашатын оқу орны. |