Қазақстан Республикасы Президентінің Әкімшілігі Басшысының 2010 жылғы 30 желтоқсандағы №001. 01-39. 144 бұйрығымен бекітілген

«Қаржылық тұрақтылық индикаторлары» автоматтандырылған ақпараттық шағын жүйе макроэкономикалық көрсеткіштер жинау және талдау үшін ақпараттық-талдау жүйесін және қаржылық тұрақтылық индикаторларын білдіреді.

2011 жылы бағдарламалық қамтамасыз ету функционалын дамыту және пысықтау бойынша жұмыс жүргізді, оның шеңберінде кіріс ақпаратты қосу және шағын жүйелерді ақпаратты шығару бөлігінде оңтайландыру мақсатында ҚРҰБ басқа да шағын жүйелерімен шоғырландырылды.
1-стратегиялық бағыт. Мемлекеттің ақша-кредит саясатын әзірлеу және жүргізу

1.3.-мақсат. Сыртқы экономикалық статистиканың халықаралық стандарттарға сәйкестігін қамтамасыз ету.

1.3.1-міндет. «Төлем балансы бойынша деректерді жинақтау және өңдеу» ААШЖ дамыту және пысықтау

Іс-шара. Есепті кезеңде ҚР Ұлттық Банкі және «ҚРҰБ Банктік сервис бюросы» РМК арасында жасалған 2010 жылғы 13 желтоқсандағы №718НБ/BSB/151 шартқа берілген 2011 жылғы 14 қаңтардағы №2 тапсырмаға сәйкес бекітілген жоспар-кесте бойынша жұмыс аяқталды. Техникалық тапсырмаға мынадай толықтыру әзірленіп, бекітілді:

1. Бағдарламалық қамтамасыз ету және техникалық жұмыс құжаттамасы пысықталынды.

2. «Бағдарлама және сынақтар әдістемесі» құжаты әзірленді және бекітілді.

3. Пысықталынған ААШЖ-ге алдын ала сынақтар және тәжірибелік пайдалану жүргізілді.

4. Шағын жүйе 2011 жылғы 25 тамыздан бастап өнеркәсіптік пайдалануға енгізілді.
1.4-мақсат. Ұлттық Банктің алтын-валюта активтерінің өтімділігін және сақталуын қамтамасыз ету

Міндет. «HiPerformance» және «Askari» бағдарламалық өнімдерін ендіру

Іс-шара. Есепті кезеңде активтерді басқару мен талдау, тәуекелдердің менеджменті үшін Ұлттық Банкте «HiPerformance» бағдарламалық өнімін енгізу бойынша жұмыс жалғастырылды. «Пайдаланушылардың қабылдауы және пайдалану үшін сынау» сатысында мынадай жұмыстар жүргізілді:

1. Алтынвалюта активтері бөлігінде ендіру бойынша жұмыс, тұтастай алғанда аяқталды.

2. Ұлттық Қор бойынша кастодиан банкпен интерфейстерді орнату жұмысы аяқталды.

3. Сенімгерлік басқарудағы қорлар (клиенттер) бойынша «HiPerformance» бағдарламалық өніміне қосу үшін әзірленген интерфейстерді (Security master, позициялар, транзакциялар) алынды .

1. ААШЖ пысықтауға арналған 2011 жылғы 20 мамырдағы №9 Тапсырма жасалды.

2. Тапсырмаға және бекітілген жоспар-графикке сәйкес Техникалық тапсырмаға қосымша әзірленді және бекітілді.

3. Бағдарламалық қамтамасыз етуді және техникалық жұмыс құжаттамасын пысықтау бойынша жұмыстар жүргізілді.

4. ААШЖ 2011 жылғы 1 қарашада актімен өнеркәсіптік пайдалануға берілді.
3-стратегиялық бағыт. Төлем жүйелерінің жұмыс істеуін ұйымдастыру
3.1-мақсат. Төлем жүйелерінің жұмыс істеуінің тиімділігін және қауіпсіздігін қамтамасыз ету

3.1.1-міндет. Операторы «ҚРҰБ ҚБЕО» РМК болып табылатын ұлттық төлем жүйелерінің (Банкаралық ақша аудару жүйесі және Банкаралық клирингі жүйесі) тиімді, сенімді және үздіксіз жұмыс істеуін қамтамасыз ету

Функционалдық мүмкіндіктерді дамыту бойынша жоспарланған іс-шаралар.

1. Сәйкестендіру нөмірлерін пайдалануға көшу мақсатында пысықталған ААШЖ сынақтан өткізу және ендіру

Сәйкестендіру нөмірлерін (СН) пайдалануға көшу шеңберінде 2011 жылғы 25 қаңтарда Ұлттық Банктің ақпарат жүйелеріне және төлем жүйелерінің операторы − «ҚБЕО» РМК бағдарламалық-техникалық кешеніне ішкі сынақтан өткізу жүргізілді. Сонымен қатар мынадай 9 кешенді тестілеу жүргізілді:

- 2011 жылғы 17-18 ақпанда Ұлттық Банктің, І-топтағы банктердің (26 қатысушы), «Бағалы қағаздар орталық депозитарийі» АҚ, «Қазақстан қор биржасы» АҚ, «МЗТО» РМКК және «ҚБЕО» РМК автоматтандырылған жүйелерін сынақтан өткізу жүргізілді;

- 2011 жылғы 24-25 ақпанда Ұлттық Банктің, ІІ-топтағы банктердің (21 қатысушы), «Бағалы қағаздар орталық депозитарийі» АҚ, «Қазақстан қор биржасы» АҚ, «МЗТО» РМКК және «ҚБЕО» РМК автоматтандырылған жүйелерін сынақтан өткізу жүргізілді;

- 2011 жылғы 17-18 наурызда, 2011 жылғы 21-22 сәуірде, 2011 жылғы 25-26 мамырда, 2011 жылғы 14-15 қыркүйекте, 2011 жылғы 17-18 қарашада, 2011 жылғы 20-21 желтоқсанда төлем жүйелерін пайдаланушылардың автоматтандырылған ақпарат жүйелерін, Ұлттық Банктің ААШЖ және ҚБЕО төлем жүйелерін сынақтан өткізу жүргізілді;

- 2011 жылғы 19-20 және 21 қазанда проведены тестирования төлем жүйелерін пайдаланушылардың автоматтандырылған ақпараттық жүйелеріне, Ұлттық Банктің ААШЖ-не және ҚБЕО төлем жүйелеріне, сондай-ақ СТН және ӘЖК еске деректемелерін жаңа СН дербес түзету мүмкіндігі бар және төлем хабарламаларының жаңа форматтарына қайта құру арқылы салық органдарының инкассалық өкімдері орындалды.

Жыл бойы Ұлттық Банк және төлем жүйесінің операторы «ҚБЕО» РМК төлем жүйелерін пайдаланушыларға өздерінің автоматтандырылған ақпарат жүйесін СН пайдалануға өту бойынша қосымша сынақтан өткізуді ұйымдастыру үшін сынақ стендінің тұрақты жұмысы қамтамасыз етілді.

2. Астана қаласындағы ҚРҰБ-нің Резервтік орталығын құру бойынша жұмыстарға қатысу ҚРҰБ-нің 2011 жылғы 12 қаңтардағы №7 бұйрығымен бекітілген ҚРҰБ-нің жаңа Резервтік орталығын құру жөніндегі тұжырымдаманы іске асыру жөніндегі 2011-2015 жылдарға арналған іс-шаралар жоспарына сәйкес жүзеге асырылды.

Мәселен, 2011 жылғы қаңтарда Резервтік орталықты құру бойынша консультациялық қызметтерді сатып алу бойынша тендерлік құжаттаманы әзірлеу жөнінде жұмыс жүргізілді;

- 2011 жылғы ақпанда «Қазақстан Республикасы Ұлттық Банкінің «Q-BRO» Резервтік орталығы» АҚ бас директорының 2011 жылғы 22 ақпандағы № 5 бұйрығымен Резервтік орталықты құру бойынша консультациялық қызметтерді сатып алу бойынша тендерлік құжаттама әзірленді және бекітілді;

- 2011 жылғы 22-23 ақпанда «Q-BRO» АҚ және Ұлттық Банктің интернет-ресурсында Консультациялық компанияның қызметтерін сатып алу бойынша тендерді жүргізу туралы хабарландыру жарияланды;

- 2011 жылғы 24 наурызда «Қазақстан Республикасы Ұлттық Банкінің «Q-BRO» Резервтік орталығы» АҚ Астана қаласындағы Қазақстан Республикасы Ұлттық Банкінің Резервтік орталығын құру бойынша консультациялық қызметтерді мемлекеттік сатып алу бойынша тендер өткізді. Бұл тендер тендерлік өтінімдерді қарау нәтижелері бойынша және сараптамалық комиссияның қорытындысы негізінде өткізілмеген деп танылды;

- 2011 жылғы сәуір мен мамырда жаңа Резервтік орталықты құру бойынша консультациялық қызметтерді қайта мемлекеттік сатып алу бойынша Тендерлік құжаттаманың жобасын әзірлеу бойынша жұмыс жүргізді;

- 2011 жылғы 16 мамырда жаңа Резервтік орталықты құру бойынша консультациялық қызметтерді қайта мемлекеттік сатып алу бойынша тендерді өткізу туралы «Q-BRO» АҚ және Ұлттық Банктің интернет-ресурсында хабарландыру жарияланды;

- 2011 жылғы 20 маусымда Сараптамалық комиссия Резервтік орталықты құру бойынша консультациялық қызметтерді қайта мемлекеттік сатып алу бойынша әлуетті жеткізушілердің конкурстық өтінімдері және/немесе баға ұсыныстары бар конверттерді ашты.

2011 жылғы шілдеде Астана қаласындағы ҚРҰБ-нің Резервтік орталығын құру бойынша консультациялық қызметтерді мемлекеттік сатып алу бойынша келіп түскен тендерлік өтінімдерді қарау бойынша жұмыс жүргізілді. Оларды қарау нәтижелері бойынша Астана қаласындағы ҚРҰБ-нің Резервтік орталығын құру бойынша консультациялық қызметтерді мемлекеттік сатып алу бойынша 2011 жылғы 20 маусымда қайта өткізілген тендер өткізілмеген деп танылды.

2011 жылғы тамыз – қыркүйекте «Q-BRO» АҚ Астана қаласында ҚРҰБ-нің Резервтік орталығын құру бойынша консультациялық қызметке мемлекеттік сатып алуды жүргізу үшін тиісті рәсімдік іс-шаралар өткізді.

2011 жылғы қазанда «Q-BRO» АҚ «Инфосистемы Джет» ЖШС-мен Астана қаласында ҚРҰБ-нің Резервтік орталығын құру бойынша консультациялық қызметке мемлекеттік сатып алу туралы 2011 жылғы 5 қазанда № К/0907-11/40 Q-BRO шартын жасады.

2011 жылғы қарашада «Q-BRO» АҚ Резервтік орталықтың ТЭН арналған техникалық тапсырманы, сондай-ақ ТЭН әзірлеуге мемлекеттік сатып алуды жүзеге асыру бойынша конкурстық құжаттаманы әзірлеу жұмысын жүргізді.

2011 жылғы 4 қарашада «Q-BRO» АҚ интернет – ресурсына ТЭН әзірлеуге мемлекеттік сатып алу бойынша конкурс жүргізуге хабарландыру орналастырды.

2011 жылғы 6 желтоқсанда «Q-BRO» АҚ Астана қаласындағы Резервтік орталықтың ТЭН әзірлеу бойынша мемлекеттік сатып алу бойынша конкурс өткізді. «ППК» жобалау-құрылыс компаниясы» ЖШС-мен ТЭН әзірлеу бойынша жұмысты мемлекеттік сатып алу туралы 2011 жылғы 14 желтоқсанда №59 шарт жасалды. «Инфосистемы Джет» ЖШС-мен жасалынған Астана қаласындағы ҚРҰБ-нің Резервтік орталығын құру бойынша консультациялық қызметті мемлекеттік сатып алу туралы 2011 жылғы 5 қазандағы №К/0907-11/40 Q-BRO шарт бойынша жұмыс жүргізілді.

Ақпарат жүйелерінің үзіліссіз жұмыс істеуін қамтамасыз ету.
Міндет. Т24 БАЖ жұмыс істеу мүмкіндіктерін жетілдіру бөлігінде Қазақстан Республикасы Ұлттық Банкінің Temenos Т24 (Т24 БАЖ) банктік ақпарат жүйесін дамыту жөніндегі жұмыс жалғастырылады.

Іс-шара: Т24 БАЖ жұмыс істеу мүмкіндіктерін жетілдіру бөлігінде Қазақстан Республикасы Ұлттық Банкінің Temenos Т24 (Т24 БАЖ) банктік ақпарат жүйесін дамыту жөніндегі жұмыс жалғастырылады.

Атап айтқанда, Т24 БАЖ қызмет көрсету және дамыту қызметіне пайдаланушылардың 261 өтініші өңделді, 64-ті бойынша жүйенің маңызды пысықтаулары жүргізілді.

«Деривативалар – фьючерстер, опциондар» модулінің «Опционы» операциялары» «НСИ», «Cosmos and Aegis» және «Шоғырландырылған есептілікті жасауды автоматтандыру» жүйелерімен интерфейстер өндірістік пайдалануға берілді.

Тұтастай алғанда есепті кезеңде пайдаланушылар өтінімдерінің негізінде және Шарт бойынша талаптарға сәйкес «Эмиссиялық-кассалық операциялар», «Шоттар», «Банкаралық депозиттер», «Ақша аударымдары», «Әкімшілік-шаруашылық қызмет» «Бағалы қағаздармен операциялар», «Жеке тұлғаларға заемдар беру операциялары», «Мерзімі өткен берешек», «Ностро шоттарын салыстырып тексеру», «Сенімгерлік-брокерлік және кастодиандық қызмет көрсету», «Лимиттер», «Деривативтер – фьючерстер, опциондар», «IAS39 – халықаралық қаржылық есептілік стандарттары», «FOREX қолма-қол жасалмайтын валюталық айырбастау операциялары» модульдері бойынша 59 пысықтау жүргізілді, сондай-ақ «БААЖ ПУ», «Қымбат металдарды есепке алу», «ҚБЕО», «KASE», «Bloomberg», «Cosmos and Aegis», «НСИ», «Қызметкерлерді басқару» және «Бюджетті жоспарлау және талдау» жүйелерімен интерфейстер бойынша 5 пысықтау жүргізілді;

Теменос компаниясының қолдау көрсету қызметі операциялық күнін жабу рәсімінің функционалын түзету, сондай-ақ «Банкаралық депозиттер», «Жеке тұлғаларға заемдар беру операциялар», «Мерзімі өткен берешек», «IAS39 – халықаралық қаржылық есептілік стандарттары», «Деривативтер – фьючерстер, опциондар» модульдерінің жұмысын түзету үшін ұсынған 2011 жылғы 21 қаңтардағы R063750, R063745, R063668, 2011 жылғы 25 ақпандағы R063813, 2011 жылғы 17 наурыздағы R063851, 2011 жылғы 3 мамырдағы R063830, 2011 жылғы 3 мамырдағы R063557, 2011 жылғы 1 маусымдағы R063917, 2011 жылғы 17 қазандағы R064008 - 9 патч тесттен өткізіліп орнатылды.

Міндет. Мемлекеттік органдардың ведомстволық ақпарат жүйелерінің өзара іс-қимылын пысықтау және кешенді тестілеу және сәйкестендіру нөмірлерін (ЖСН және БСН) пайдалануға түпкілікті көшу бойынша бірлескен іс-қимылдар жоспарында көзделген іс-шараларды орындауы бөлігінде жұмысты жалғастыру.

Іс-шара: Т24 БАЖ пысықтау бойынша іс-шаралар және тест жүргізу графигіне және ҚРҰБ автоматтандырылған ақпараттық шағын жүйелерінің және «ҚРҰБ ҚБЕО» РМК-ның төлем жүйелерінің бағдарламалық-техникалық кешенінің сәйкестендіру номерлерін (СН) пайдалануға көшу бойынша өзара іс-әрекетіне тест жүргізудің сәйкестендіру номерлерін (СН) пайдалануға көшу бойынша өзара іс-әрекетіне тест жүргізудің 19.01.2011ж. жоспарына сәйкес тест жүргізу іс-шаралары жүргізілді. Тестілеудің қорытындысы бойынша 2012 жылғы 1 қаңтарда Т24 БАЖ сәйкестендіру нөмірлерін (СН) пайдалануға көшу жөніндегі пысықтауы өндірістік пайдалануға дайын болды.
Осылайша барлық жоспарланған жұмыстар толық көлемде және тиісті мерзімде жүзеге асырылды және бұл Т24 БАЖ функционалдық мүмкіндіктерін айтарлықтай жақсартуға мүмкіндік берді.

Міндет. Ұлттық Банктің әкімшілік-шаруашылық қызметінің есебін жүргізу үшін бағдарламалық пакетті таңдау және ендіру жөніндегі жұмыс жалғастырылады.

Іс-шаралар: Есепті кезеңде жүйеге қойылатын талаптарды пысықтау және нақтылау бойынша, жеткізуші компаниялардан ақпарат жинау бойынша жұмыстар жүргізілді:

1. Конкурстық рәсімдерді өткізу үшін техникалық ерекше нұсқама және шарттың жобасы дайындалды.

2. Уәкілетті бөлімшеге сатып алуды ұйымдастыруға және жүргізуге өтінім берілді.

3. Мемлекеттік сатып алу бойынша конкурс екі рет өткізілді: 2011 жылғы 19 тамызда мемлекеттік сатып алу бойынша бірінші конкурс жарияланды және 2011 жылғы 28 қарашада қайтадан конкурс жарияланды. Өткізілген сатып алулар нәтижесі бойынша конкурстық комиссияның конкурс қатысушыларын екі әлеуетті жеткізушіден кем болды деп тануы себебімен конкурстар өтпеді деп танылды (2011 жылғы 30 желтоқсандағы қайталама мемлекеттік сатып алудың қорытындысы туралы хаттамасы).

1) ҚРҰБ қызметкерлері деректерді өңдеу орталықтарын құруға арналған таныстырылымдарға, семинарларға және конференцияларға қатысты;

2) деректерді өңдеу орталықтарын құру бойынша консультациялық компаниялар нарығына зерттеу жүргізілді (құрылған дата-орталықтардың саны, TIA 942 стандартының TIER деңгейлеріне сәйкес келуі, серверлік залдарының алаңдары, мамандардың болуы және т.б. бойынша ақпарат жинау);

3) Резервтік Орталықты құру бойынша консультациялық қызметтерді сатып алуға тендерлік құжаттамаға арналған техникалық ерекше нұсқама әзірленді. Қызметтерді сатып алу бойынша тендерлік құжаттамаға талқылау, түзету және келісу жүргізілді;

4) ҚРҰБ қызметкерлері тендерлік құжаттама бойынша туындаған мәселелерді түсіндіру үшін консультациялық қызметтерді жеткізушілері өкілдерімен кездесуге, әлеуетті жеткізушілердің сұрауларына жауаптарды дайындауға қатысты;

5) РО құру жөніндегі консультациялық қызметтерді сатып алуға тендердің нәтижесі бойынша сараптама қорытындысы дайындалды;

6) ҚРҰБ Резервтік Орталығын құру жөніндегі консультациялық қызметтерді сатып алу шарты шеңберінде Консультациялық компанияның өкілдерімен кездесулер және ҚРҰБ-нің және ҚБЕО-ның мүдделі қызметкерлерімен сұхбаттар жүргізілді, есептер қаралды және консультациялық компанияға ҚРҰБ деректері бөлігінде есептеу орталығының желілік инфрақұрылымы мен инженерлік жүйелер бойынша қажетті материалдар, сондай-ақ ҚРҰБ бағдарламалық-ақпараттық кешенін зерттеу туралы есеп дайындалды. Q-BRO және консультациялық компанияның өкілдерімен аудиоконференция жүргізілді;

7) Резервтік Орталық құрылысын салудың техникалық-экономикалық негіздемесін әзірлеу жөніндегі жұмыстар сатысының шегінде Астана қаласында ҚРҰБ Резервтік Орталығы ғимаратын салу үшін ТЭН әзірлеуге тапсырманың жобасы келісілді

Жұмыстар 2012 жылы жалғастырылатын болады.
Қызметкерлерге басшылық ықпал етуді жетілдіру
Міндет. Қызметкерлерді таңдау жүйесін жетілдіру

Іс-шара: Техникалық қызмет көрсетуді жүзеге асыратын және ҚРҰБ жұмыс істеуін қамтамасыз ететін және мемлекеттік қызметшілер болып табылмайтын ҚРҰБ қызметкерлерінің бос орындарына іріктеу кезінде ҚР заңнамасын білуін бағалау үшін тест сұрақтары әзірленді және ҚРҰБ Төрағасының 2011 жылғы 24 қаңтардағы №15 бұйрықпен бекітілді.
Міндет. Қызметкерлерді аттестациялау жүйесін жетілдіру

Іс-шара: Мынадай бұйрықтардың жобасы дайындалды:

«ҚРҰБ техникалық қызмет көрсетуді жүзеге асыратын және жұмыс істеуін қамтамасыз ететін және мемлекеттік қызметші болып табылмайтын қызметкерлерді бос қызметтерде іріктеу кезінде Қазақстан Республикасының заңнамасын білуін бағалау үшін тест жүргізу тәртібін, тестілеу бағдарламасын, тестілеу нәтижелерінің шекті мәндерін және тест әзірлеуге қойылатын талаптарды бекіту туралы»;

2) «ҚРҰБ және оның ведомстволарына техникалық қызмет көрсетуді және жұмыс істеуін қамтамасыз ететін және мемлекеттік қызметші болып табылмайтын қызметкерлерді аттестациялау үшін тестілер әзірлеу бойынша жұмыс тобын құру туралы»;

3) «ҚРҰБ және оның ведомстволарына техникалық қызмет көрсетуді және жұмыс істеуін қамтамасыз ететін және мемлекеттік қызметші болып табылмайтын қызметкерлерді аттестациялау жөніндегі комиссия құру туралы»

Бұдан басқа, мемлекеттік тілді қолдану аясын кеңейту мақсатында ҚРҰБ Төрағасының 2011 жылғы 2 қыркүйектегі № 226 бұйрығымен ҚРҰБ қызметкерлері күнделікті жұмысында пайдалана алатын мемлекеттік тілдегі терминдерді қарау және бекіту жөніндегі салалық терминологиялық жұмыс тобы құрылды. 2011 жылғы 30 қыркүйектегі және 2011 жылғы 28 желтоқсандағы №№ 1 және 2-хаттамалармен 180 термин бекітіліп ҚР Мәдениет министрлігіне жіберілді.

Қашықтықтан оқытуды ендіру шеңберінде Ақтөбе филиалының қызметкерлері үшін «Карьераны дамытудың жеке жоспарлары» тақырыбына арналған семинар өткізілді (2011 жылғы маусымда), сондай-ақ барлық филиалдардың қызметкерлері үшін «Қазақстан Республикасы Ұлттық Банкінде тәуекелдерді басқару» (2011 жылғы 26 желтоқсанда) және «Қызметтің үздіксіздігін қамтамасыз ету» (2011 жылғы 28 желтоқсанда) тақырыптары бойынша семинарлар өткізілді.

Бұдан басқа, бейнетеканы толықтыру үшін Ұлттық Банктің базасында өтетін барлық семинарлардың тұрақты түрде бейнежазбасы ұйымдастырылған. Мысалы «Lessons for Central Banking from the Global Financial Crisis» (Гёте Бизнес Скул өкілдері 2011 жылғы 30 мамырдан бастап 3 маусымға дейін жүргізді), «Business Continuity Management» (Швейцария Ұлттық Банкінің өкілдері 2011 жылғы 29 қарашадан бастап 2 желтоқсанға дейін жүргізді) тақырыптары бойынша семинарлардың бейнежазбасы жасалды.

Осыған баланысты, іскерлік этика және орталық банктегі басқару қағидаттары бойынша ай сайынғы семинарлар өткізу жоспарланды. Осы тақырып бойынша семинарлар Ұлттық Банктің 7 аумақтық филиалында (Ақтөбе,Батыс Қазақстан, Атырау, Маңғыстау, Оңтүстік Қазақстан, Жамбыл, Қызылорда филиалдары), Ұлттық Банктің орталық аппаратында, ҚҚК және АӨҚОДК өткізілді.

Білім беру саласында ең озық тәжірибені дамыту үшін Ұлттық Банк қызметкерлерін оқыту бағдарламасы бойынша 214 сағат дәріс берілді, оның 30 % ағылшын тілінде (Хахенбургтегі Deutsche bundesbank жанындағы қолданбалы ғылымдар университетінің үлгісі бойынша). Осы бағдарламаны іске асыру нәтижесі Ұлттық Банк басшыларының және қызметкерлерінің тарапынан ағылшын тіліндегі дәріске қызығушылығының артуы болып табылады, бұған 2012 жылы келіп түскен бөлімшелердің осы оқу бағдарламасы бойынша қызметкерлердің дәріс беруге қатысуына өтінімдер дәлел бола алады.

Ұлттық Банктің Тұрар Рысқұлов атындағы ҚазЭУ жанындағы МВА бағдарламасы бойынша магистратура арқылы мемлекеттік органдар мен қаржы ұйымдары үшін мамандарды даярлауға қатысуы
Міндет. ҚРҰБ-нің жоғары білікті қызметкерлерінің Тұрар Рысқұлов атындағы Қазақ экономикалық университетінің жанындағы МВА бағдарламасы бойынша Магистратурасының оқу үдерісіне қатысуы

Іс-шара: Қазақстанның қаржы жүйесін жоғары білікті мамандармен қамтамасыз ету үшін Т.Рысқұлов атындағы Қазақ экономикалық университетінің МВА бағдарламасы бойынша магистратурасы арқылы мемлекеттік органдар мен қаржы ұйымдары үшін кадрларды дайындауға қатысу жалғастырылды.

Қазақстан Республикасы Президентінің «Қазақстан Республикасының қаржы нарығын мемлекеттік реттеу жүйесін одан әрі жетілдіру туралы» 2011 жылғы 12 сәуірдегі № 25 Жарлығына сәйкес Қазақстан Республикасы Алматы қаласының өңірлік қаржы орталығының қызметін реттеу агенттігі (бұдан әрі – Агенттік) таратылды, оның функциялары мен өкілеттіктері Қазақстан Республикасы Ұлттық Банкіне берілді. Таратылған Агенттіктің мүлкін тапсыру жөніндегі іс-шараларды іске асыру шегінде «Аламаты қаласының өңірлік қаржы орталығының академиясы» АҚ тиесілі болған акциялар Ұлттық Банктің сенімгерлік басқаруына берілді.

Кезінде Агенттіктің бастамасы бойынша қаржы секторының, атап айтқанда қалыптасу үстіндегі қор нарығы және қаржы ұйымдары үшін кәсіби кадрларды дайындау, қайта даярлау, біліктілігін арттыру үшін «АӨҚО Академиясы» АҚ құрылған және оның қаржы секторы бойынша басым мамандандырылған іскерлік басқару магистрлерін дайындауға арналған тиісті мемлекеттік лицензиясы бар.

Жоғарыда айтылғандарға байланысты Магистратура «АӨҚО Академиясы» АҚ базасына ауыстырылды және Қазақстан Республикасы Ұлттық Банкі Магистратурасының «АӨҚО Академисы» АҚ-мен бірлесіп қызмет ету туралы 2012 жылғы 24 тамыздағы № 375ҰБ шартқа қол қойылды.

Ұлттық Банктің қызметкерлері Магистратурада лекцияларды, мастер-кластарды, тренингтерді өткізуге, әртүрлі комиссиялардың жұмысына, магистранттардың Ұлттық Банкте практикасын ұйымдастыруға, магистранттарды жұмысқа орналастыруға, оқуға түсу емтихандарын ұйымдастыруға қатысты.

Сондай-ақ Магистратура өкілдері Ұлттық Банктің базасында 2011 жылғы 30 мамырдан бастап 3 маусымға дейінгі кезеңде «Lessons for Central Banking from the Global Financial Crisis» тақырыбы бойынша Goethe Business School семинарына қатысты.

Экспорттық түсімдердің күрт төмендеуі, елдің сыртқы өтімділігі мен төлем қабілеттілігі жағдайының тұрақсыздануы.

1) 2011 жылы ішінде Еуропа одағы елдеріндегі жағдайға байланысты кредиттік тәуекелдерді болдырмау мақсатында Ұлттық Банктің Басқармасы АВА инвестициялық портфелінің Еуро қосалқы портфелі үшін және ҚРҰҚ жинақтау портфелінің Еуро қосалқы портфелі үшін эталондық портфелін жоғары кредиттік сапасы бар эталондық портфельдеріне ауыстыруға шешім қабылдады.

2) Арнайы шаралар талап етілген жоқ (тәуекелдер болған жоқ)

Әлемдік қаржы дағдарысы

Тәуекелдерді басқару бойынша шара қабылдамаған жағдайдағы ықтимал салдары:

Қазақстан қаржы жүйесінің тұрақсыздануы

Арнайы шаралар талап етілген жоқ (тәуекел болған жоқ)

Жүйелі дағдарыстың өрбуі

Қазақстанда макропруденциалдық реттеуді ендіру бойынша шаралар кешенін іске асыру

Арнайы шаралар талап етілген жоқ (тәуекел болған жоқ).

2011 жылы ішінде Қазақстан Республикасының қаржылық тұрақтылығы және қаржы нарығын дамыту жөніндегі кеңестің 18 (он сегіз) отырысы өткізілді, онда мына мәселелер қаралды:

Банк секторы бойынша

- шетелдік капиталдың банк секторына қатысуын шектеу;

- екінші деңгейдегі банктердің резервтерді қалыптастырудың жаңа тәсілінің тұжырымдамасы;

- екінші деңгейдегі банктер мәмілелер жасауға құқылы болатын облигациялар үшін ең төменгі талап етілетін рейтингіне қойылатын талаптарды жетілдіру (Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2007 жылғы 30 сәуірдегі № 128 қаулысы);

- Қазақстан Республикасында Аграрлық банкті құрудың орындылығы;

- Банктік заем шарттары бойынша міндеттемелерді және төлемдерді индекстеуге тыйым салуды бұрын жасалған халықаралық стандарттардың банктік заем шарттарынан туындайтын қатынастарға қолдану;

- Қазақстан Республикасының резидент еместері алдындағы міндеттемелерге банктердің капиталдану коэффициенттерінің есебіне өзгерістер мен толықтырулар енгізу (k8 және k9);

- өтімділікті реттеу тәсілдерін халықаралық стандарттарын ескере отырып жетілдіру;

- екінші деңгейдегі банктердің проблемалық активтерімен жұмыс бойынша;

- екінші деңгейдегі банктердің активтері сапасын жақсарту тұжырымдамасы.

- жинақтаушы зейнетақы қорларының (ЖЗҚ) капиталдануына қойылатын талаптарды жетілдіру;

- жинақтаушы зейнетақы қорларының зейнетақы активтерін инвестициялаудың тиімділігі;

- резидент еместердің ЖЗҚ капиталына қатысуын шектеу;

- жинақтаушы зейнетақы қорларының дауыс беруші акцияларын иелену үлесіне қатысты талаптарды қайта қарау.

- бағалы қағаздар нарығын дамыту мәселелері жөніндегі және жинақтаушы зейнетақы жүйесін дамыту мәселелері жөніндегі жұмыс топтары қызметінің нәтижесі және «Қазақстан Республикасының жинақтаушы зейнетақы жүйесін және бағалы қағаздар нарығын дамыту бойынша жол картасы» бағдарламасының жобасы;

- ұйымдастырылған қор нарығында клиринг жүйесін және t + n схемасы бойынша есептеуді ендіру және орталық қарсы әріптесті құру;

- айла-шарғы жасау мақсатында жасалған мәмілелердің мониторингін жетілдіру.

- пруденциалдық реттеуді өзгерту және Solvency II ендіру шеңберіндегі тәуекелдерді ескере отырып төлем қабілеттілікті бағалау моделіне көшу;

- салық салу жүйесі арқылы ұзақ мерзімді жинақтау өмірді сақтандыруды дамыту;

- қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыруды одан әрі жетілдіру және сақтандырудың осы түрін өмірді сақтандыру бойынша жүзеге асыру;

- қайта сақтандыруда қазақстандық қамтудың үлесін ұлғайту;

- резидент еместердегі қайта сақтандыруға қойылатын талаптарды жетілдіру және қайта сақтандыруда қазақстандық қамтудың үлесін ұлғайту;

- сақтандыру нарығындағы инфрақұрылымдық ұйымдардың қызметі.
Қаржы жүйесінің басқа да секторлары бойынша

- микрокредиттік ұйымдардың қызметін реттеу;

- Қазақстанда бірыңғай тіркеушіні құру және кредиттік бюролардың жұмыс істеуі.
Кеден одағына мүше мемлекеттердегі макроэкономикалық және саяси тұрақсыздық

Тәуекелдерді басқару бойынша шаралар қабылдамаған жағдайдағы ықтимал салдар:

Тұрақты жұмыс істеуінің бұзылуы салдарынан Кеден одағының ішінде капиталдың еркін қозғалысына кедергілердің пайда болуы

Арнайы шаралар талап етілген жоқ (тәуекел болған жоқ).

Өтімділік дағдарысы кезінде бос қаражаттың келіп түсуі 1 күнге кешігуі мүмкін (АВА инвестициялық портфельден активтерді аудару үшін және қолма-қол ақшаны шығарып алу үшін оларды сату үшін қажетті)

Қолма-қол ақша айналысының жұмыс істеуі тиімділігінің төмендеуі немесе жекелеген өңірлерде төлемдерді қолма-қол ақшамен жасауға мүмкіндіктің болмауы және салдары ретінде әлеуметтік шиеленісушіліктің туындауы

Тұтастай алғанда, Ұлттық Банктің резервтік қорларында (сақтау орнында) да, өңірлік филиалдардың резервтік қорларында да қолма-қол ақша жеткіліксіз болған кезде шараларды іске асыру және ықтимал тәуекелдерді барынша азайту үшін қолма-қол ақшамен жұмыс департаменті Ұлттық Банктің Директорлар кеңесінің 2009 жылғы 29 тамыздағы № 177 қаулысымен бекітілген «Қазақстан Республикасы Ұлттық Банкінің филиалдарында эмиссиялық-кассалық операцияларды ұйымдастыру және құндылықтардың сақталуын қамтамасыз ету ережесіне сәйкес Ұлттық Банк филиалдарының резервтік қорлары қалдықтарының ұсынылған қорын әзірледі және оны Төрағаның жетекшілік ететін орынбасары бекітті.

Ұлттық Банк филиалдарының резервтік қорларында қолма-қол ақшаға қажеттілігінің кез келген күтпеген өсуін қанағаттандыру үшін жеткілікті қаражат шоғырланған. Осы шаралар өңірлерді қолма-қол ақшаға сұраныстың кез келген күтпеген өсуін өтеу үшін жеткілікті қаражат көлемімен қамтамасыз ету, сондай-ақ Ұлттық Банктің резервтерін өңірлер бойынша бөліп жайғастыру мақсатында жүргізілді. Бұл өз кезегінде ықтимал әртүрлі төтенше жағдайларда – су тасқыны, өрт, зілзала болған кезде бір жерде шоғырланған қолма-қол ақшадан айырылудың ықтимал тәуекелдерін төмендететін болады.

Ұлттық Банк Басқармасы 2012 жылға ұлттық валютаның банкноттары мен монеталарының көлемдерін бекітті:

- Ұлттық Банк Басқармасының «2012 жылы Қазақстан Республикасы ұлттық валютасының банкноттарын дайындау туралы» қаулысы;

- Ұлттық Банкі Басқармасының «2012 жылы Қазақстан Республикасы ұлттық валютасының айналыстағы монеталарын дайындау туралы» қаулысы.

Ұлттық Банк қызметі нәтижелілігінің төмендеуі

ҚРҰБ орталық аппаратының және ведомстволарының басшылары және қызметкерлері үшін қаржылық тұрақтылық және бағалар тұрақтылығы, ақша-кредит саясаты, макро- және микропруденциалдық реттеу және тәуекелдерді басқару бағыттары бойынша Goethe Business School (Германия) профессорлық-оқытушылық құрамды тарта отырып, «Исламдық қаржыландыру: теория және практика» тақырыбы бойынша (оқытушысы – Dr. Amir Raslan Abu Bakar, Islamic Research and Training Institute, Islamic Development Bank), Швейцария Ұлттық Банкімен бірлесіп үзіліссіз қызметі мәселелері бойынша семинарлар өткізілді.