Ќазаќстан республикасы тґтенше жаєдайлар министрлігі кґкшетау техникалыќ институты
жүктеу/скачать 4,21 Mb.
|
- Бұл бет үшін навигация:
- ҚҰТТЫҚТАУ ХАТ
- Есте сақ т аңыз !
| 1-жаттығу. Сұрақтарға жауап беріңіз.
Талапарыз қандай жағдайларда жазылады ? Талапарыз қандай мекемеге жазылады ? Талапарызда қандай мәліметтер керсетілуі тиіс ? Сотта талапарыз бойынша қандай іс-әрекет жүзеге асырылады ? Талапарыздың құрылымы қандай? 2-жаттығу. Талапарызда көрсетілуге тиіс негізгі мәліметтерді толты-рыңыз . Алматы қаласы, Әуезов аудандық соттың төрағасы Қ. Маратұлы мырзаға Талапкер: «Сейнұр» ЖШС – ның президенті А. Мырзахметов Жауапкер: « Есіл» ААҚ ТАЛАПАРЫЗ 2006 жылдың 25 сәуірінде «Сейнұр» ААҚ мен «Есіл» ЖШС – ның арасында шикізат жеткізілімі туралы келісімшарт жасалған болатын. Өзара келісім бойынша «Сейнұр» ААҚ «Есіл» ЖШС-на әр айдың бесінші күні шикізат жеткізуге міндеттенген болатын. 2006 жылдың шілде, тамыз айларында «Есіл» ААҚ келісімде көрсетілген мерзімде шикізат жеткізбегендіктен, «Сейнұр» ЖШС 150 000 (жүз елу мың) теңге көлемінде зиян шекті. Осы мәселе бойынша заң жүзінде шара қолдануыңызды сұраймыз. «Сейнұр» ЖШС – ның президенті А. Сапаров. 2006 ж., 10 желтоқсан 4-жаттығу. Талапарыз бойынша сұрақтарға жауап беріңіз. Талапарыз қай сотқа жазылған ? Сот төрағасы кім ? Талапкер кім ? Жауапкер қай мекеме ? «Сейнұр» ААҚ неліктен 150 000 (жүз елу мың теңге) зиян шекті? 5-жаттығу. Сөз тіркестерін аударыңыз. Келісім талаптары, бас тартқан жағдайда, келісімде көрсетілген талаптар, орындалмаған жағдайда, талапарыз бойынша, шара қолдану, заң жүзінде, талапкердің талаптары, қосымша құжаттар, кұжаттар тізімі, жауапкер туралы мәлімет, шикізат жеткізілімі туралы. 6-жаттығу. Талапарыз үлгісімен танысыңыз. Алматы қаласы, Әуезов ауданы соттың төрағасы Қ. Болатұлы мырзаға Талапкер: Алматы қаласы, Әуезов көшесі 52 – үй, 25 - пәтерде тұратын Ботагөз Жандосова Жауапкер: «Керуен» сауда үйі ТАЛАПАРЫЗ Мен 2006 жылдың 20 қаңтарында бір жылдық кепілдеме мерзіммен «Керуен» сауда үйінен ас үй жиһазын сатып алдым. Жиһазды орнату кезінде ақаулықтар байқалды. Мен сауда үйінің меңгерушісіне ас үй жиһазын қайта қабылдау немесе ауыстырып беру туралы өтініш білдірдім. Алайда меңгеруші менің өтінішімді орындаудан бас тартты. Осы мәселеге байланысты заңды түрде шара қолдануыңызды сұраймын. Б. Жандосова. 2006 жыл 20 қаңтар. 7-жаттығу. Сұрақтарға жауап беріп, хабарламахат мазмұнын әңгіме-леңіз. 1.Талапарыз қайда жіберілген ? 2.Талапарыз иесі кім ? 3.Талапкер қандай жиһаз сатып алған ? Неліктен оны ауыстырып беруді өтінген ? 5. Меңгеруші сатып алушының өтінішін орындады ма? 8-жаттығу. Сөз тіркестерімен сөйлемдер құрастырыңыз. Орындаудан Қайтарып
Көмек Бас тартты көрсетуден Жеткізуден Төлеуден Бас Тартты 9-жаттығу. Сөз тіркестерін аударыңыз. Орнату кезінде, қайта қабылдау, өтініш білдіру, заңды түрде, бас тарту, шара қолдану, сот төрағасы, ақаулықтар байқау, ауыстырып беру, өтінішті орындау. 10-жаттығу. Жағдаяттар бойынша талапарыз жазыңыз. "Мұнайгаз" фирмасының президенті Ж.Батыровтың "Қуат" құрылыс фирмасының басшысы А.Исаевқа және "Ардагер" азық-түлік дүкенінің меңгерушісі Ғ.Асанованың "Қайсар" ЖШС-ның президенті Дәулет Болатұлына жіберген хабарламахаты бойынша сотқа талапарыз жазыңыз (жағдаяттардың толық мазмұны хабарламахат тақырыбы 1-жаттығуда көрсетілген). ҚҰТТЫҚТАУ ХАТ Құттықтаухат мерейтойларда, үкімет наградасымен марапатталғанда, маңызды мерекелерде және тағы басқа жағдайларда жолданады. Құттықтаухат құрметті, қадірлі, аса қадірлі, қымбатты деген сөздермен басталады. Содан кейін кұттықтау себебі жазылады. Сосын құттықтаушы қуаныш иесінің жетістіктері туралы хабардар екенін білдіруі қажет. Мысалы: - Сіз осы жылдар аралығында зор жетістіктерге (табыстарға) жеттіңіз. - Біз сізді әділ басшы, іскер маман ретінде жақсы білеміз. - Сіз өзіңізді іскер маман ретінде көрсете білдіңіз. - Қызметкерлер арасында сіздің беделіңіз жоғары. - Сіздің медицина (экономика, филология т.б) саласына, фирманың (кәсіпорынның, мемлекеттің) өркендеуіне қосқан үлесіңіз зор т.б. Осыдан кейін ізгі тілектер жазылады. Соңында құттықтаушының аты-жөні шын жүректен, ізгі тілекпен, шынайы көңілден деген сөздермен аяқталады. 1-жаттығу. Сұрақтарға жауап беріңіз. Құттықтаухат қандай жағдайларда жолданады ? Құттықтаухат қандай сөздермен басталады ? Құттықтаухаттың құрылымы қандай ? Құттықтаухат қандай сөздермен аяқталады.? Есте сақтаңыз! Сізді Тәуелсіздік күнімен, Жаңа жыл мерекесімен, Республика күнімен, Халықаралық әйелдер күнімен, Фирманың құрылғанына 2 жыл толуымен, 55 жылдық мерейтойыңызбен құттықтаймын . 2-жаттығу. Құттықтаухат үлгілерімен танысыңыз. Қазақстан Ұлттық ғылым академиясының академигі Мұхтар Әмірұлына Қадірлі Мұхтар Әмірұлы! Қ.А.Яссауи атындағы Халықаралық қазақ-түрік университеті ұжымы атынан Сізді 70 жылдық мерейтойыңызбен шын жүректен құттықтаймыз. Адам жанының арашасы болған Сіздің Тәеуелсіз Қазақстан мен әлем медицинасына қосқан үлесіңіз ерекше. Сізге еңбекте табыс, отбасыңызға амандық, деніңізге саулық тілейміз! Ғұмырыңыз ұзақ болсын! Ізгі ниетпен, Қ.А.Яссауи атындағы Халықаралық қазақ-түрік Университетінің президенті, академик О.Сәбден. Ақмола облысы, Айыртау ауданы, Ақкөл ауылында тұратын біріміздің асқар таудай ағамыз, енді біріміздің ізетті ініміз, ұлағатты ұстаз, өнегелі отағасы Әбілхан Тоқтыбековты ердің жасы 50-ге келуімен ақкөңіл, шын жүрегімізден құттықтаймыз! Ағамызға алдағы өмірде мықты денсаулық, қажымас қайрат, мол-мол жақсылықтар мен қуаныштар тілейміз. Зайыбы Сәуле екеуінің отбасы әрдайым аман болып, мәпелеп өсірген үш ұлының қызығын көрсін. Ізгі ниетпен, бауырлары. Тәуелсіздік күні қарсаңында "Егемен Қазақстан" газетінің шолушысы Әділ Дүйсенбек Елбасының Жарлығымен "Ерен еңбегі үшін" медалімен марапатталды. Еңбек жолын бас басылым — "Егеменде" бастап, үлкенге — іні, кішіге - аға бола білген публицист, журналист әріптесіміз — Әдекеңе жоғары наградаңыз құтты болсын айтамыз. Егемендіқазақстандықтар. 3-жаттығу. Сұрактарды барлық құттықтаухаттарға қойыңыз. Құттықтаухат кімге арналған ? Қуаныш иесін немен құттықтайды ? Қуаныш иесінің қандай жетістіктері, жақсы қасиеттері ерекше айтылған ? Қандай тілектер арналған ? Құттықтаушы кім? 4-жаттығу. Қатесін түзетіңіз. Құрметті Арман Бақытұлы! Сіз "Шырақ" ШС-ның құрылғанына 5 жыл толу мерекесімен құттықтаймыз. Біз Сізді әділ басшы, білікті маман ретінде жоғары жақсы көреміз. Сіз осы уақыт аралығында мол жетістіктерге келдіңіз. Біздің ұжым атынан сізге зор денсаулық, мол шығармашылық табыс, отбасылық бақыт тіледік. Ізгі тілек, "Адал" ААҚ-ның ұжымы 5-жаттығу. Екі қатарды сәйкестендіріңіз. аса көңілден іскер жоғары ізгі арасында шынайы ниетпен беделді маман қызметкерлер құрметті жүктеу/скачать 4,21 Mb. Достарыңызбен бөлісу:
|