Корпорациялық табыс салығы

Корпорациялық табыс салығын төлеушілер Қазақстан Республикасының Ұлттық банкі мен мемлекеттік мекемелерден басқа Қазақстан Республикасының резидент заңды тұлғалары, сондай-ақ Қазақстан Республикасында қызметін тұрақты мекеме арқылы жүзеге асыратын немесе Қазақстан Республикасындағы көздерден табыс алатын бейрезидент заңды тұлғалар.

Банктің жылдық жиынтық табысы Кодекске сәйкес жүргізілетін түзетулер есебімен Қазақстан Республикасында және одан тыс жерден алуға тиіс табыстардан тұрады. Жылдық жиынтық табысқа келесілер кіреді:

банк қызметінен:

• 
  пайыздық;
  
• 
  дилингтік операциялар бойынша;
  
• 
  комиссиялық;
  
• 
  басқа да операциялық,
  
• 
  төтенше;
  
• 
  айыппұл, өсімпұл, тұрақсыздық шығындары түрінде;
  

жалпы үлестік меншіктен табысты бөлу кезінде алынатын табыс;

өтеусіз алынған мүліктер;

мүлікті жалға беруден түскен табыс;

банктер жасаған провизиялардың мөлшерін азайтудан түскен табыс;

күмәнді міндеттемелер бойынша;

міндеттемелер мен талаптарды есептен шығарудан түсетін табыстар;

айыппұлдар, өсімпұлдар және санкциялардың басқа да түрлері;

дивидендтер;

сыйақылар;

бағамдық оң айырма;

ұтыстар;

шығып қалған тіркелген активтер құнының ішкі топтың құн балансынан асып түсуінен алынған табыстар.

Банк заңды тұлға ретінде жылдық жиынтық табыстан табыс салығын төлейді.

Табыс салығы квартал ағымында аванс ретінде төленеді және келесі жазбамен рәсімделеді:

Дебет 1851 (882) салықтар бойынша есеп айырысулар

Кредит 1051 (161).

Квартал аяқталған соң бас банкте квартал үшін табыс салығын есептеу бойынша есеп жасайды және салық сомасына келесі жазба жасалады:

Дебет 5999 (972) табыс салығы

Кредит 1851 (882)

Салықтар теңгемен белгіленген мерзімде қарастырылған заңдарға сәйкес есептеледі және төленеді.

Табыс салығы алдын ала және мерзімі өткен болуы мүмкін. Жылдық жиынтық табыс туралы және ағымдағы жылдағы жүргізілген шегерістер жайында Декларацияға сәйкес жыл соңында бухгалтерлік есепте соңғы жазба жүргізіледі. Егер кеңес шешімі бойынша есептелген корпорациялық табыс салығы сомасы бюджетке аударылатын болса:

Дебет 2851 (салық және басқа да төлем бойынша есеп айырысу)

Кредит 1051 (банктің ҚР ҰлттықБанкіндегі корреспонденттік есеп шоты).

Бухгалтерлік есепте салық әсері бойынша жазба тек уақыт айырмасы сомасына жылына бір рет жүргізіледі.

Уақыт айырмалары сомаларын анықтау кезінде:

-Егер бухгалтерлік есепте сома салық есебіне қарағанда аз болса:

Дебет 5999 (табыс салығы)

Кредит 2857 (кейінге қалдырылған табыс салығы)

-Егер есептелінген уақыт айырмалары сомасы бухгалтерлік есепте сома салық есебіне қарағанда көп болса:

Дебет 1857 (мерзімінен бұрын салынған табыс салығы)

Кредит 5999 (табыс салығы).

Банк табысын әрі қарай бөлу акционерлердің жалпы жиналысының шешіміне сәйкес жүргізеді:

Дебет 3599 (бөлінбеген табыс)

Кредит 3510,1853, 2853 (резервтік қор, акционерлермен есеп айырысулар)