| ДЗ өзара әсерлесу салдарынан туындаған жанама әсерлер
Әдетте бұл ДЗ фармакокинетикалық өзара әсерлесуі салдарынан дамыған токсикалық жанама әсерлер. Мысалы: терапевтік мөлшерде теофиллинмен эритромицинді қосарлап қолданғанда, теофиллиннің ағзадағы мөлшері жоғарылап, токсикалық қасиеті артады, өйткені эритромицин теофиллиннің бауырдағы метаболизімін тежейді.
В-типті жанама әсерлер
В-типті реакциялар ДЗ мөлшеріне және фармакологиялық белсенділігіне байланысты емес (ДЗ жақпауынан басқасы). Оның негізінде ағзаның жеке дара ерекшеліктері - аллергия немесе ферментативті жүйелердің генетикалық негізделген бұзылыстары жатыр.
ДЗ жақпауы – ДЗ терапевтік және субтерапевтік мөлшерде қолданғанда дамитын, фармакологиялық қасиеттерімен байланысты жағымсыз реакциялар. Мұндай реакция кез келген препаратқа дамуы мүмкін.
Идиосинкразия – ДЗ фармакологиялық белсенділігімен байланысты емес реакциялар. «Идиосинкразия» - деп белгілі бір препаратқа дамыған, генетикалық негізделген патологиялық реакция. Идиосинкразияның негізінде ферментативтік жүйелердің тұқым қуалайтын ақаулары жатыр. Мысалы: глюкоза-6-фосфатдегидрогеназа (Г-6-ФДГ) ферментінің жетіспеушілігі бар науқастарды сульфаниламид немесе примахинмен емдегенде науқаста гемолитикалық анемия дамиды.
Достарыңызбен бөлісу: |
