Ќазаќстан республикасыныњ
жүктеу/скачать 1,95 Mb.
|
Ќазаќстан республикасынын касипкерлик (3)
| Айтылмаған ескертулер. Бұл әңгімелесуші айтып үлгермейтін, айтқысы келмейтін немесе айта алмайтын ескертулер. Сондықтан біз оларды өзіміз анықтап, оның кері әсерін болдырмауымыз керек.
Қате түсініктер. Олар әңгімелесуші көзқарасы қате болған жағдайда, ыңғайсыз ескертулерді тудыратын себептерге жатады. Оның ұстанымының эмоционалды негізі бар, сондықтан барлық логикалық аргументтер мұнда қажетсіз. Біз әңгімелесушінің аргументтері агрессивті тұрғыдан негізделуінен ерекше талаптар қойып, сөйлесудің тек теріс жақтарын ғана көретінін байқаймыз. Мұндай ескертулердің себебі, сіздің тарабыңыздан дұрыс емес тәсіл, сізге деген антипатия, келеңсіз көріністер болып табылады. Демек, сізге әңгімелесушінің көзқарасы мен мотивтерін анықтап, өзара түсінушілікке келуге ұмтылу керек. Ирониялық (кемсітуші) ескертулер. Мұндай ескертулер әңгімелесушінің теріс көңіл-күйінің салдары немесе кей бір жағдайда оның сіздің шыдамдылығыңыз бен салмақтығыңызды тексеруге деген қалауының салдары болуы мүмкін. Сіз ескертулердің әңгіме барысымен тығыз байланысы жоқ екендігін, тіпті жәбірлеуші сипатқа ие екендігін байқайсыз. Мұндай жағдайда не істеу керек? Бұл жағдайда ескерту шындыққа жанаса ма, әлде қарсы шығу мақсатында болды ма, соны анықтау керек. Кез-келген жағдайда әңгімелесушінің сөзіне еруге болмайды. Сіздің реакцияңыз тапқырлықпен жауап беру, немесе мұндай ескертуге мүлдем мән бермеген жөн. Ақпарат алу мақсатындағы ескертулер. Мұндай ескертулер сіздің әңгімелесушіңіздің қызығушылық танытқанының дәлелі болып немесе ақпаратты беру барысындағы кейбір жағдайларды қосымша анықтау әдісі ретінде қолданылады. Сондықтан сіз барынша түсінікті, жан – жақты жауап беруіңіз керек. Өзін көрсету мақсатындағы ескертулер. Бұл ескертулер әңгімелесушінің өз ойын жеткізуге деген ұмтылысын білдіреді. Ол сіздің ықпалыңызға ермей, осы мәселе бойынша өзінің барынша әділ болуға ұмтылатындығын көрсетеді. Мұндай сипаттағы ескертулер сіздің тарапыңыздан ойыңызды күшті эмоциялық тұрғыдан жеткізуіңіз себеп болуы мүмкін. Мұндай жағдайда қалай істеу керек? Осы жағдайда сіздің әңгімелесушіңіз өз идеялары мен ойларына дәлелді тұжырымдама табуы қажет. Субъективті ескертулер. Мұндай ескертулер адамдардың белгілі бір категорияларына тән. Мұндай әңгімелесушілерге тән типтік тұжырымдама: «Мұның бәрі керемет, бірақ маған мұның ешқайсысы жарамайды». Мұндай ескертулердің себебі неде? Сіздің ақпаратыңызға сенім аз және сіз әңгімелесушінің қызығушылығына жеткіліксіз назар аударасыз. Ол сіздің ақпаратыңызға сенбейді, сондықтан да келтірілетін фактілерді бағаламайды. Мұндай жағдайда қалай істеу керек? Өзіңізді әңгімелесушінің орнына қою керек, оның мәселелерін ескеру керек. Объективті ескертулер. Бұл әңгімелесуші өз күмәндарын жоққа шығару үшін айтатын ескертулер. Бұл ескертулер шынайы, ешқандай алдап-арбаусыз айтылады. Әңгімелесуші өз ойын анықтау үшін жауап алғысы келеді. Мұндай ескертулердің мәні сізбен әңгімелесушінің мәселені шешуде басқа жолы бар, сондықтан ол сіздікімен келіспейді. Мұндай жағдайда әңгімелесушіге ашық түрде қарсы шықпай, оған оның көзқарастарын ескеретіңізді жеткізу керек. Содан кейін мәселені шешудің сіз ұсынатын жолының қандай артықшылықтары бар екендігін түсіндіру керек. Қарсыласу мақсатындағы ескертулер. Бұл ескертулер, әдетте әңгіменің басында пайда болады, сондықтан да олар нақты болып табыла алмайды. Бұл жағдайда әңгімелесуші сіздің дәлелдеріңізбен алдын – ала таныспаған, сондықтан әңгіме тақырыбы нақты анықталмаған. Мұндай жағдайда не істеу керек? Әңгіме тақырыбын жүйелі түрде нақты анықтау керек. Егер түсініспестік күшейген жағдайда әңгімелеу тактикасын қайта қарау керек. Ал бұл жағдайда нәтиже бермесе әңгіме тақырыбын өзгерту қажет. Іскерлік қатынас қағидалары. Қағидалар – белгілі бір нәрсеге немесе құбылысқа деген адамның танымдық көзқарасына сүйене отырып, оның өзінің мінез – құлқын, өз іс – әрекеттерін дұрыс қалыптастыруға мүмкіндік беретін абстракциялық жалпылама ұғымдар жүйесі. Іскерлік қатынас қағидалары концептуалдық этикалық тұрғыдан қызметкерлерге шешімдерді, іс-әрекеттерді, өзара қарым – қатынастарды және т.б. іске асыруға мүмкіндік береді. Бірінші қағида: Көпшілік мақұлдаған «алтын стандарт» деп аталатын ортақ жағдайдағы ережесі: «Өзіне де қаламайтын жат қылық пен әрекеттерді, қызмет жағдайында өз қарамағында жұмыс істейтіндерге, басшыларға, әріптестерге, тұтынушыларға және т.б. ешқашан көрсетпеу» жүктеу/скачать 1,95 Mb. Достарыңызбен бөлісу:
|