Қазақтың қылшық жүнді қойы
Қазақтың қылшық жүнді құйрықты қойы – ет-май өндіру бағытында шыға- рылған ежелгі қой тұқымы. Шығыс Қазақстан облысы Үш биік ауылында (бұрынғы Бірінші май совхозы) құйрықты қойдың жаңа тұқымы қылшық жүнді құйрықты қой өндірілді. 1994 жылы қазақтың қылшық жүнді құйрықты қойының «Байыс» деген түрі пайда болды.
Дене бітімі шымыр, сүйегі берік, басы орташа, тұмсығы түзу, не сәл дөңестеу. Мойыны аса ұзын емес, кеудесі кең, жоталы. Сирақтары ұзын, тұяқтары өте мықты. Қойлардың түсі, көбінесе қоңыр, қызғылт сары, көк және қара болады. Қошқары- ның тірідей салмағы 90-110 кг, саулығы 60-65 кг тартады, олардан тиісінше 3-3,5 кг және 1,8-2,2 кг жүн қырқылады. Тез көбейеді. Әр 100 саулықтан 105-112 қозы алынады. Енесінен бөлген кезде еркек қозылар 34-37 кг, ұрғашылары 32-35 кг салмақ тартады. 4-5 айлық еркек қозылардың сойыс шығымы 50-52% болады. Қа- зақстанның барлық облыстарында өсіріледі.
Достарыңызбен бөлісу: |
