Зертханалық журнал (дәптер)

Орындалған зертханалық жұмыстардың қорытындысы зертханалық журналға (дәптерге) жазылады. Бұл журнал студенттің жұмысты орындағаны туралы жазба түріндегі есебі болып табылады. Тәжірибелерді орындау барысында оның нәтижесін дәптерге бірден жазу керек. Жеке қағаздарға жазуға рұқсат етілмейді. Зертханалық жұмысты орындағаны туралы журналда мынадай деректер болуға тиіс: 1) жұмыстың орындалған күні; 2) жұмыстың нөмірі және тақырыбы; 3) жеке тәжірибелердің нөмірі мен аттары; 4) тәжірибені орындағанда қолданылған аспаптардың сызбанұсқасы мен суреттері; 5) тәжірибенің қысқаша мазмұны, тәжірибенің жүру жағдайлары, реакциялардың сапалық дәлелдемелері (ерітінді түсінің өзгеруі, тұнбаның түзілуі, не оның еруі, тұнбаның түсі, мөлшері, газдың бөлінуі, оның иісі, түсі, қыздыру не салқындату); 6) жасалған тәжірибелердің химиялық реакцияларының теңдеулері; 7) бақылаудың сандық көрсеткіштері (кейде таблица түрінде беруге де болады); 8) сандық сипаттағы тәжірибелердегі есептеулер; 9) қорытынды. Барлық жазулар, есептеулер орындалып, сурет салынғаннан кейін жұмысты орындаушы – студент өзінің қолын қояды.

а) Шыны таяқшамен аздап фосфор ангидридін судың аз мөлшерінде ерітіңіз. Түзілген ерітіндіні шыны таяқшамен көк және қызыл лакмус қағазына тамызып сынаңыз. Лакмус түсінің өзгеруіне назар аударып, реакция теңдеуін жазыңыз.

Алдын ала хлор толтырылған пробиркаға, Кипп аппаратынан сутек толтырылған екінші пробирканы беттестіріңіз. Енді хлоры бар пробирканы жоғары, сутек бар пробирканы төменгі жағына келтіре газдарды араластырыңыз. Пробиркаларды ажыратып аузын басып ұстап, төмен қаратып жалынға ұстаңыз. Не байқадыңыз? Пробирканың біреуін қопарылыстан кейін дереу саусақпен аузын жауып ыдыстағы су астында ашыңыз. Пробиркаға су көтеріледі. Неліктен? Пробирканы су астында саусақпен жауып, судан шығарып, онан түзілген ертіндіні лакмуспен сынап, хлордың сутекпен әрекеттесу реакциясының теңдеуін жазыңыз.