Салыстырмалы көрсеткіші бойынша операциялар екі топқа бөлінеді:
1) операция жолымен ғана жазылатын аурулар, бірақ олар науқастың өміріне қауіп төндірмейді (аяқтың көк тамырларының варикозды кеңеюі, қатерсіз ісіктер және т.б.);
2) әрі хирургиялық, әрі консервативті жолмен емдеуге болатын аурулар (асқынбаған он екі елі ішектің ойық-жарасы, жүректің ишемиялық ауруы).
Науқасты жоспарлы және жедел операцияларға тікелей дайындаудың айырмашылықтары бар.
Жоспарлы операцияның алдында науқасты толық санитарлы тазартудан өткізу қажет. Ол үшін кешкісін операция алдында науқас душ қабылдауы немесе ваннаға жуынуы керек, таза киім киіп, төсек-жапқаштарды ауыстыруы қажет. Операция болатын күні таңертең, операция жасалатын аймақтағы түктер қырып алынады.
Жедел операцияға дайындағанда, тек операция жасалатын аймақтағы түктерді қырып алумен шектелуге болады. Науқастың денесі қатты ластанғанда, жартылай санитарлы тазарту шаралары жүргізіледі.
Достарыңызбен бөлісу: |
