Ғылыми кеңес отырысында бекітілді
Ғылыми кеңес төрайымы, факультет деканы ______________ Ә.Р. Масалимова
Хаттама №______ __________________2019 ж.
Ғалым хатшы ______________ Ә.Ө. Өмірбекова
МАЗМҰНЫ
1. Мамандық бойынша қабылдау емтиханының мақсаты мен міндеті
Мақсаты: докторантураға түсушілерге әлеуметтік жұмыс саласындағы жүйелі теориялық және тәжірибелік білімін, ғылыми зерттеудің әдістемесін меңгеру, ғылыми-педагогикалық, сараптамалық дағдыларын анықтау.
Міндеті:
әлеуметтік жұмыс және әлеуметтік саясат саласындағы қазіргі мәселелер туралы терең жүйелік білім мен сыни талдау қабілетін қалыптастыру;
әлеуметтiк мәселелердi талдауда әлеуметтiк жұмыста қолданылатын зерттеу әдiстерiн жаңа ғылыми жетiстiктерге негізделе отырып, кешендi қолдану;
өзіндік ғылыми зерттеуге және жеке тұжырымдарын қалыптастыру, ұсыну және қолдауға қажетті концептуалды білім мен дағдыны қалыптастыру;
бірінші және екінші реттік ақпарат көздерімен кәсіби зерттеу жұмысын жасау, әлеуметтік жобалар мен бағдарламаларды білікті сараптамадан өткізу дағдысы тереңдету;
әлеуметтік мәселелерді зерттеудегі әр түрлі әдістемелік бағыттарды жүйелі қолдану дағдыларын дамыту;
жаңа білімді дамыта білу, өзіндік ғылыми ұстанымын қалыптастыру, ғылыми маңызға ие жаңа білім шығару үшін жобаларды тұжырымдау және іске асыру қабілеттерін дамыту;
әлеуметтік саясат, халықты әлеуметтік қорғау саласында ұйымдастырушылық, басқарушылық және әкімшілік жұмыстарды жүргізу бойынша білім мен дағдыларды тереңдету;
адамгершілік құндылықтарды, әлеуметтік жауапкершілікті, орнықты дамуды, сондай-ақ әлеуметтік әл-ауқат пен қауіпсіздікті қамтамасыз етуге негізделген әлемдік көзқарасты қалыптастыру.
Емтихан түрі – ауызша-жазбаша аралас емтихан. Емтихан тапсырушы емтихан билетінің сұрақтарын өзінің жауаптарын жауап парағына жазады, емтихан комиссиясы мүшелеріне ауызша жауап береді. Аппеляция болған жағдайда қарастыру негізі болып жауап парағындағы жазбалар табылады.
Достарыңызбен бөлісу: |
