Сабақ уақытын негізінен ауызша сӛйлеу дағдылары мен біліктерін дамыту және жетілдіру үшін қолданылады.
Жаңа лексикалық және грамматикалық материалды коммуникативтік жағдайларда енгізу және бекіту ұсынылады. Сабақта жұппен, топтармен жұмысты ұйымдастыру есебінен әрбір білім алушының сӛйлеу белсенділігі уақытын ұлғайту.
Міндетті түрде мәтін алдындағы, мәтіндік және мәтіннен кейінгі жұмыс кезеңдерін сақтай отырып, оқылым мен тыңдалымға үйрету.
Жазба жұмыстарын жүргізу кезінде оқу бағдарламасының талаптарын қатаң сақтау.
Білім алушылардың оқу жетістіктерінің нәтижелерін тексеру кезінде басымдылық бақылаудың ауызша түрлеріне берілуі тиіс.
Тапсырмалардың әр түрлі: ауызша, жазбаша, міндетті, таңдау бойынша, жалпы, сараланған, жеке, аралас, шығармашылық түрлерін кезектестіру және үйлестіру ұсынылады. Шығармашылық сипаттағы тапсырмалар білім алушылардың қалауын ескере отырып беріледі, бұл ретте нәтиже алу үшін тапсырманың кӛлемі мен күрделілігін ескеру қажет.
