Бизнес жоспар

Ыңғайлы және функциональды жиһаз бәріне де керек. Егер қоғамдық өмірде жиһазды пайдалану деңгейін және әртүрлі салаларда жұмыс істеп жатқан ұйымдардың болжамды санын елестетумен көз жеткізуге болса, халыққа арналған жиһаз бен қызметкерлерге арналған кеңселік жиһаз болмаса немесе оның сапасы бұдан да жақсырақ болуды талап ететін болмаса, сапалы еңбек үдерісін іске асыру мүлде мүмкін емес.

Жиһаз адам өмірі мен еңбек қызметінің өнімділігін елеулі түрде арттыра түседі, бұның коммерциялық құрамы жағынан алып қарағанда маңызы зор.

Бұнсыз әрбір жанұя мен әртүрлі деңгейдегі мамандардың барынша тиімділігінің кепілі болып табылатын татулық ахуалы орнатуды тіпті армандауда мүмкін емес.

Қазіргі уақытта жиһазды олардың интерьері мен дизайндық сапаларын ескере отырып, практикалық, сенімділік және функциональдық тұрғыдан қарастырады, өйткені біз таңдаған жиһаз жалпы стильге сәйкес келуі тиіс.

Жиһаздың жұмыс істеуі және түрі мінсіз болуы тиіс. Осы тұжырымның өзектілігін өсе түсіп отырған өмір деңгейі елеулі түрде растайды.

Жиһаз өнеркәсібі жедел қарқынмен дамуда. Әрдайым жаңа материалдар пайда болады және таңдау мүмкіндігін кеңейте түсетін табысты іске асырылатын жаңа идеялар туындайды. Алайда, сатып алушылардың сұранысына қарағанда, ағаштан жасалған жиһаз ешқашан сәннен шықпайды. Бұл Қазақстанда осындай жиһаздарға сұраныспен де расталады.

Объективті түрде алғанда Қазақстанда ағаш өңдеу өнеркәсібі үшін шикізат базасы жоқ, дәстүрлі түрде қажетті сүректің 70%-на дейін сырттан әкелінеді. Алайда, Қазақстанның ағаш өңдеу және жиһаз кәсіпорындарында өндірістің өсуі өткізу нарықтарының кеңейтілуі есебінен, сондай-ақ өнімнің өзіндік құнының азаюы жаңа технологияларды енгізу есебінен болды.

Сонымен бірге, ҚР-ның жиһаз импорттайтын елдерінің арасында 2007 жылдан бері бірінші орында Ресей тұр. Екінші орын мен үшінші орынды Қытай мен Украина иеленіп келеді. Төртінші, бесінші және алтыншы орындарды тиісінше Белоруссия, Италия және Түркия алады.

Қазақстанда жиһаз өнеркәсібін дамыту үшін отандық тауарларды сыртқы нарықтарға ілгерілетудің салалық бағдарламасын әзірлеу және инвестициялық шығындарды оңтайландыру үшін еркін индустриялық-өндірістік аймақтар, қосылған құн тізбегі бойынша белсенді кооперация құру қажет.

Импорттық өнімнің өсе түскен бәсекелестігіне қарамастан, мемлекет қолдау көрсеткен және мамандардың барлық ұсыныстарын іске асырған кезде Қазақстанда саланың дамуы және өндірістің өсуі нақты мүмкін. Жиһаз және ағаш өңдеу өнеркәсібі кластер ретінде дамуы мүмкін және өсу бәрінен бұрын өндіру саласында ірі инвестициялық жобаларды іске асырудан туындайтын болады.

Бүгінгі таңда жиһазды сатып алу нарығының жағдайы бір жағынан, тұтынушыларды тартудың қиындықтарына, екінші жағынан әлеуметті жаңарту мүмкіндіктеріне ие.

Жылдан-жылға халық саны артып, халықтың табыс көлемдері ұлғаюда. Осыған орай адамдар өзінің тұрмыс деңгейіне көбірек қаражат жұмсауына мүмкіндіктері мол. Материалды табыстылыққа жеткен адам табысына тиісінше көзге көрінуі тиіс.

Цехтің дамуы өсіп келе жатқан бәсекелестікке сай болу үшін көптеген факторларды ескеретін ұзақ мерзімді нарықтық дамудың стратегиясын қолдану тиіс. Олар: оптималды баға саясаты, тұрақты клиенттерге жеңілдік, үнемі жаңа өнім түрлері мен сыртқы келбеттеріне жаңашылдықтарды енгізу, техникалық саясаттың оң орнығуы. Осы факторлардың үйлесуі өндірістің жоғары сапалылығын, тұтынушының жайлылығын қамтамасыз етіп, жобаның тәуекелділік деңгейін төмендетеді

Жобаның сәттілік деңгейі жеткілікті дәрежеде жоғары деп бағаланады, өйткені Ақсукент ауылында ықтимал тұтынушылары болуға даяр адамдардың пайызы айтарлықтай жоғары болып табылады.

Кәсіпорынның негізгі артықшылықтары:

- заманауи жабдықтарды және табиғи таза шикізатты пайдалану арқылы сапалы өнім шығару;

- қолжетімді баға, тұрақты тұтынушылар үшін жеңілдіктер;

- кәсіпорын қызметкерлерінің кәсібилігі.

Салонның тұтынушылары – орта және жоғары табысы бар кент пен аудан тұрғындары.

Халыққа арналған өндіріс жүйесі төмендегі ұстанымдарды алға қойып ұйымдастырылады:

1. Тұрақты түрде бәсекеге қабілеттілікті зерттей отырып жақсарту, жетілдіру шараларын қамтамасыз ету;

2. Сұранысты ұлғайту мен сатылымдарды жоғарылату және жоғары абыройға жету мен тұрақты клиенттер санын өсіру бойынша шараларды белгілеп пайдалану. Сұранысты ұлғайту мен сатылымдарды жоғарылатуда төмендегі принциптерді пайдалану жоспарланып отыр:

- басқалармен салыстырғанда төмен баға деңгейі;

- заманауи құрылғылар мен құрал-жабдықтар;