Фолликулдарды пункциялау және аналық жасушаларды алу: фолликулдар (онда аналық жасушалар бар және өседі) жетілген кезде, пациентке пункция жүргізеді. Ол үшін наркоз астында жұқа инемен қынап қабырғасын теседі және УДЗ бақылауымен әрбір фолликулдың ішіндегісін аналық жасушамен бірге алады.
Тікелей жасанды ұрықтандыру: Эмбриологиялық зертхана жағдайында алынған әрбір аналық жасушаны дәрігер-эмбриологтар өңдейді және қоректік ерітіндісі бар пробиркаға салады. Содан кейін жұмыртқа сол күні тапсырылатын күйеуінің шәуетімен ұрықтанады. Ұрықтандыру тәсілдерінің бірі: сперматозоидты аналық жасушаға микрохирургиялық құралдардың көмегімен "қолмен" енгізеді (сперматозоидтардың интрацитоплазмалық инъекциясы (ИКСИ). Сперматозоид енгеннен кейін аналық жасушалар эмбрион болып саналады.
