Оқушылардың денсаулық пен салауатты өмір салтына құндылық қатынасын қалыптастырудағы сынып жетекшісінің іс-әрекеті Дәрістің қысқаша мазмұны:
Қазақстанның ХХІ ғасырдағы негізгі даму бағыттарының бірі – салауатты өмір салтын сақтай алатын, жан-жақты дамыған тұлғаны қалыптастыру басты міндет болып отыр. Сондықтан білім беру мекемелерінің алдында тұрған міндеттердің бірі – жас ұрпақтың салауатты өмір сүруге көзқарасын қалыптастыру, олардың денсаулығын сақтауға, қоршаған ортасын таза ұстауға және жоғары, сапалы білім алып, сол білімді келешектегі өмірінде пайдалана білуге тәрбиелеу. Салауатты өмір салтын насихаттауда, салауатты өмір сүру мәдениетін қалыптастыру мәселелерін жетілдіретін, осы саладағы басымдылықтарды анықтайтын ғылым да, өскелең ұрпақты оқыту, тәрбиелеу формалары мен жаңа әдістерді ұстанатын білім де қажет. Мектеп оқушыларының салауатты өмір салтын қалыптастыру туралы алған білімдері болашақ азаматтардың денсаулығын сақтап қалуға берік тірек болады.
Мектеп оқушыларының денсаулығының нашарлауы бұл тек дәрігерлердің мәселесі емес, сонымен қатар маңызды педагогикалық мәселе болып есептеледі. Өйткені, бұл ұрпақтардың тәрбие алған отбасыларына және қоршаған ортаға байланысты болады. Кейбір отбасыларда маскүнемдік, шылым тарту, нашақорлық және созылмалы инфекциялық аурулар, дұрыс тамақтанбау сияқты салауатты ұрпақ тәрбиелеуге кері әсерін тигізетін факторлар кездеседі.Сонымен қатар, оқушылар мен олардың ата-аналарында салауатты өмiр салты туралы педагогикалық және дәрiгерлiк бiлiмдердiң жеткiлiксiз болуы және өз денсаулықтарына деген құнды қатынастың жақсы қалыптаспағаны да әсер етеді. Жас ұрпақтың денсаулық жағдайын жақсарту мәселесін жалпы білім беретін мектепсіз шешу мүмкін емес. Сондықтан, мектеп мұғалімдері, сынып жетекшілер, психолог, дәрігер және ата-аналар бірлесіп оқушылардың салауатты өмір сүруі үшін іс-әрекеттерді ұйымдастыруы керек және мектептің оқушыларда сау болу, салауатты өмір сүру қажеттілігін қалыптастыруы қажет. Ол үшін мұғалімдер мен сынып жетекшілерде «салауатты өмір салты» ұғымының мәні туралы айқын түсініктердің болуы керек.Салауатты өмір салты – денсаулықты нығайту, сақтау және қалпына келтіруге бағытталған тіршілік әрекетінің үлгісі. Ғалым А.Н.Леонтьев «салауатты өмір салты» - тұлғаның өмірдегі өз орнын білу, өмір сүруге ұмтылыс жасау, алдына қойған мақсатына жету жолдарынан тұратынын атап көрсетеді.
Салауатты өмір салтын қалыптастыру үшін әр бір адам саналы түрде өз денсаулығына көңіл бөліп, үнемі шұғылдану қажет екендігіне басты назар аудару керек. Салауаттылықтың негізгі қарапайым жолдары – адамның өзін-өзі күтуі және тазалық сақтауы.
1
№11
дәріс
Қарастырылатын сұрақтар (дәріс жоспары):
Кәсіптік бағдар – оқушылардың мамандықты саналы таңдауға ішкі қажеттеліктері мен дайындығын қалыптастыруға мұғалімнің мақсатты бағытталған іс-әрекеті.
Кәсіптік бағдар беру жұмыстарының мәнді сипаттамасы (мақсаты, міндеттері, мазмұны). Кәсіптік бағдар беру жұмыстарының тәрбиелік сипаты.
Мектептегі кәсіптік бағдар беру жұмыстарының негізгі бағыттары.
Кәсіптік бағдар беру жұмыстарының формалары. Кәсіптік бағдар берудің тиімділік өлшемдері.
