Препараттары: бензогексоний, пентамин, пирилен, гигроний, арфонад, пахикарпин. Benzohexonium – бензогексоний (Б): 0,1 және 0,25 г табл., 2,5%л еріт. амп. тері астына, бұлшық етке енгізіледі. Әсері 2-4 сағат.
Pentaminum – пентамин (Б):5% 1-2 мл еріт. амп. шығарылып, бұлшық етке, көк тамырға енгізіледі. Әсері 1-2 сағат.
Pirilenum – пирилен (Б): 0,005 г таб., әсері 8-12 сағат.
Кураре тәрізді дәрілер ( миорелаксанттар ) Фармакологиялық әсері : қаңқа бұлшық еттерінің Н-холинорецепторларын тежеу нәтижесінде: қол, көз, аяқ, арқа бұлшық еттерінің және диафрагманың босаңсуы байқалады.
Қолдануы: кеңірдек интубациясында, эндоскопиялық ем-шараларда, хирургиялық операциялардың интубациялық наркозында, сүйек сынықтарының орнына түсіруді жеңілдету, буын шығуын орнына келтіру мен сіреспені емдеу үшін қолданылады.
Препараттары : а) әсері антидеполяризациялық миорелаксанттар: тубокурарин хлориді, панкуроний бромиді (павулон), пипекуроний бромиді (ардуан), векуроний бромиді (норкурон) – миорелаксациялық әсері 20-60 мин.
