Дәрілік өсімдіктердің негізгі таралу аймақтары

Адыраспанның құрамындағы пеганинді анықтау

• Адыраспанның құрамындағы пеганинді анықтауда, қорғасынның адыраспан дәрілік шөбінің алкалоидтарына әсері бар екендігін атап көрсету керек. Бұған дәлел қорғасынның айрықша көп мөлшері бар табылған адыраспан шөбінде пеганин алкалоиды 18,7% болса, ал қорғасыны өте аз болған адыраспанда 56,4 % пеганин алкалоидының анықталуы.
• Пеганин негізінде гетероциклді хиназолин жатады. Пеганиндегі гидроксил спиртті болып келеді, сондықтан қорғасын алкоголятының пайда болуы мүмкін емес, бірақ пеганин лиганда ретінде болуы ықтимал.
• Өсімдіктің химиялық құрамы оның биологиялық ерекшеліктеріне және элементтің физиологиялық роліне байланысты. Сіңірілетін химиялық элементтің мөлшері физиологиялық процестің қажеттілігін өтеу жолымен айқындалады: фотосинтезге, зат алмасуға, клетка түзуге, каталитикалық реакцияның шығынына.
• Адыраспан дәрілік шөбінің құрамында қорғасын ықпалынан алкалоид пеганиннің азаюы, оның (шөптің) биологиялық және дәрілік (емдік) қасиетін әлсіретуі мүмкін.

Адыраспанның қолданылуы

• Түркияда ерте кездерден-ақ адыраспаннан қызыл бояу алып, онымен өздерінің ұлттық бас киімдері – фесканы бояған.
• Кезінде атақты Абу-Әли Ибн Сина оны сегізкөз нервісінің қабынуы кезінде болатын шаншуларды басатын дәрі ретінде қолданған.
• Адыраспанды Кавказ халқы ұйықтататын дәрі ретінде пайдаланады.
• Адыраспанның түтіні адамды тынышталдырады және микробтардан залалсыздандырады. Оны кезінде қауіпті эпидемиялық ауруларға қолданған.
• Адыраспанның қажетті мөлшері адамды нашақорлықтан және түрлі наркотикалық тәуелділіктен мүлдем арылтады екен.
• 1997жылғы Сан-Францискода өткен конференцияда профессор Бо Холмстэд адыраспан құрамындағы гармин мен гармалин адамда кездесетін адам миындағы ісікті тежейді деген қорытынды жасаған

Қазақстанда адыраспанның бір ғана түрі – ақ адыраспан өседі. Ол – көп жылдық шөп, түйетабан тұқымдастар тобына кіреді. Тамыр діңгегі 2-3 метрге дейін жететін өсімдіктің сабағы бұтақшалы келеді. Жасыл түсті сабағының ұзындығы 30-80 сантиметрге жетеді. Жапырақтары тілімделген, кезектесіп орналасқан, қысқа сырғалы терең 3-5 бөлікке бөлінген. Гүлі ақ және сары түсті болады. Олар ірі жалғыз, не үш кіші гүлдерден құралады. Жемісі қоңыр түсті, құрғақ болып, үш жеміс қалтасынан тұрады. Топтанып өсетін өскін шілде айында гүлдегенде оның хош иісі төңіректі алып кетеді. Бір ғажабы, адыраспан өсіп тұрған маңайға шыбын-шіркей жоламайды. Оған тек «ханның қызы» сияқты қасиетті қоңыздар ғана қонады.

Адыраспанның емдік қасиеті.

• Халық емшілері адыраспанды адамның құяңын, сегізкөздің жүйке ауруын емдеуге пайдаланған. Мал-дәрігерлік тәжірибеде оның тұнбасымен малдың қышыма қотырын, түрлі тері ауруларын емдейді.
• Халық медицинасында Адыраспанды буын ауруын емдеуге пайдаланады, қайнатылған суын безгекпен ауырған адамға ішкізеді. Сондай-ақ малдың қотырын да жазады. Адыраспаннан жүн мен жіптерді бояу үшін күрең қызыл бояу алынады. Тұқымы мен көк шөбінен алынған тұнбаны адыраспан шаруашылық зиянкестеріне қарсы күреске пайдаланады.

Дайындау әдісі

• Тұмау тиіп ауырғанда, адамның буынын сырқыраудан, аяқ-қолын қақсаудан емдеу үшін адыраспанды қайнатып, сол сумен ауырған мүшені үш мәрте булайды. Жел-құздан қозған буын ауруын емдеу үшін адыраспанның жас сабағын қиып алып, жаншып буынға тарту керек. Суықтан болған ауруға, терісі бөрткен кезде адамды адыраспан суына шомылдырған. Құяқмен ауырған адам адыраспанның сабақ, жапырақтарын қайнатып, күніне ұдайы екі жеті қатарынан ішуі керек. Tic қақсап ауырғанда, адыраспанның шөбімен ыстағаннан кейін басылады. Ұмытшақтық меңдетсе адыраспанды сабағы мен жапырағын бірге қайнатып ішеді.
• Көшпелілер кесіртке тәрізді жәндіктер жараланғанда адыраспанға аунап жазылатынын байқаған.

Адыраспан қоспасы

• Адыраспанды мыңжапырақ гүлдерімен, киікотымен, шөпшай гүлімен қосып қайнатады да, онымен асқазан сөлінің азаюын, яғни гипоацид гастритін емдейді. Ол үшін осы айтылған құрамдағы 10 грамм қоспаны жарты литрдей суға салып 2 сағат тұндырады. Содан соң оны баяу жанған отқа қойып 8 минуттай қайнатады. Суыған соң сүзіп тазалайды. Препаратты тамақтанардан жарты сағат бұрын 50 грамнан 4 рет ішеді. Осылай 4-6 ай емделу керек.

Кепкен бума адыраспан өсімдігі

Адыраспан халық ұғымында

• Адыраспан қазақ үшін қасиетті шөп болғандықтан бәле-жаладан сақтайды деп үйдің ішіндегі көрнекілеу жерге - кереге басына іліп қояды. Жаңа үйге кірерде босағаға жын-шайтан мүлдем жоламасын деп, адыраспанмен аластаған. Сонымен қатар, бұл өсімдікті иесіз үйді иесі жоқ кезде жайлап алған беймәлім жын-шайтандардан тазарту үшін адыраспанның бір бұтағын отқа салып тұтатып, аластайтын болған.

Адыраспан өсімдігінің ерекшеліктері

• «Адыраспан, адыраспан шыққан жерді, сірә, баспан» деп келетін тіркес адыраспанның дәстүрлі қасиетімен қоса емдік қасиеті де өте көп екендігін аңғартады.
• Адыраспан нерв жүйесін, жатыр миомасын емдеуде және медицинада малярия, лихорадка, мерез ауруларын емдейді. Қайнатпасын демікпе, невростенин және қояншық аурына қарсы ішеді, ал тұқымын мононеврит, неврит, полиневрит және миазтенид ауруларына қарсы қолданады.

Қорытынды

• Адыраспан өсімдігінің морфологиялық және анатомиялық құрылысы,өсуі,көбеюі,адам ағзасында пайдалалығы қарастырылды.
• 2. Адыраспан өсімдігінің халық және медицинада қолданылу тарихы қарастырылды.
• 3. Адыраспанның химиялық құрамы анықталып, кесте жасақталды.
• 4. Адыраспан дәрілік шөбінде алкалоид пеганинің мөлшеріне қорғасынның әсері болатыны анықталды.
• 5. Қорғасыны көп топырақта өскен адыраспанда пеганин алкалоиды 18,7% болса, ал қорғасыны аз топырақта өскенінде 56,4 % пеганин деңгейі анықталды.
• 6. Майдантал ауылындағы адыраспанда қорғасын деңгейі басқа мекен жайдың адыраспанымен салыстырғанда үш есе аз болып анықталды.
• 7. Адыраспанда алкалоид азайса, шөптің дәрілік қасиеті төмендейтіні анықталды.
• 8. Зерттеу нәтижелері бойынша суреттер жасалып, салыстырмалы көріністері анықталды.

жүктеу/скачать 43,26 Kb.

Достарыңызбен бөлісу: