Электр тогы дегеніміз зарядтардың кеңістіктегі реттелген қозғалысын айтады. Заряды бар, қозғала алатын бөлшектерді заряд тасушылар дейді. Өткізгізгіштерде электр өрісінің әсерінен пайда болатын токты өткізгіш токтары дейді.
Электр тогы пайда болу үшін төмендегі шарттар орындалу керек:
ортада ілгерлемелі қозғала алатын еркін зарядтар болу керек;
зарядтарды бағытталған қозғалысқа келтіріп жұмыс істейтін электр өрісі болуы қажет. Өрістің энергиясы жұмыс істеу нәтижесінде таусылғанда ток нөлге айналады.
Ток ұзақ уақыт жүру үшін электр өрісінің энергиясы үздіксіз толықтырып отырылуы керек. Өрістің энергиясын уақыт бойынша толықтырып отыратын энергия көзі электр қозғаушы күші (ЭҚК), не ток көзі дейді.
Электр тогының бағыты үшін оң зарядтың қозғалу бағыты алынады. Электр тогын сипаттау үшін ток күші деген шама ендіреді. Ток күші дегеніміз өткізгіштің көлденең қимасы арқылы бір өлшем уақытта тасылп өтетін заряд шамасына тең.
Ток тұрақты болу үшін иөткізгіштің еш жерінде заряд не шоғырланбау керек, не азаймау керек. Ол үшін, біріншіден, тұрақты ток тізбегі тұйық, екіншіден, өткізгіштің кез-келген элементар көлеміне бір өлшем уақытта қанша заряд кірсе, сонша заряд одан шығу керек.
