Білім беру институттарының атқаратын қызметтері : әлеуметтендіру , тұлғаны дамыту, мәдениетті тарату, әлеуметтік мәртебе иелену, кәсіби-экономикалық яғни, бір сала бойынша мамандық беру, эгалитарлық яғни, теңестіру және отбасылық өмірге даярлау. Одан бөлек ізгілендіру, ақапараттық-зерттеушілік, әлеуметтік-саяси , қоғамды интеграциялау қызметтерін де білім беру институттарының қызметіне жатқызуға болады.
Қосымша;
Заман талабы отандық білім беру жүйесінің әлемдік білім үрдісіне интеграциялануын талап етеді. Мұның өзі тек біздің қалауымыз емес, ол бүгінгі күннің шындығы.
«Қазақстан Республикасындағы білім беруді дамытудың 2015 жылға дейінгі тұжырымдамасының» мазмұны білім беру жүйесінің ырғақты дамуын және әлемдегі жаһандану мен ақпараттану үрдісінің ерекшелігіне қабілетті болуы керек деген түсінікпен келесі негізгі бағыттарды көрсетті:
- оқуды 6 жастан басталатын әрі жоғары саты оқушыларын бейімді және кәсіпке бағытталған жүйеде оқытатын он екі жылдық жалпы орта білімге көшу;
- орта білімнен кейінгі кәсіптік білім беру жаңа деңгейін құру;
- академиялық кредиттер жүйесіне негізделген кәсіби кадрларды даярлаудың 3 сатылық жүйесін: бакалавриат-магистратура-докторантура (PhD) құру;
- білім беру сапасына бағалаудың ұлттық жүйесін құру.
