Кредиттің аптаға бөліну кестесі

«Басқару әлеуметтаннуы» оқу курсының негізгі мақсаты студенттерге ұйымдастыру және басқару туралы, адамзат қоғамында басқарудың пайда болуы, дамуы, қоғамдық өмірдің әртүрлі салаларында басқарудың жетілдірілуі, әлеуметтік процестерді басқарудың принциптері, басқарудың ұйымдастырушылық құрылымдарының рөлі мен әлеуметтік процестердің реттеушілері туралы білімдердің негіздерін беру болып табылады.

Көрсетілген мақсаттарға сәйкес, осы оқу курсын оқытуда келесі міндеттер алға қойылады.

Курс міндеті:

• 
  әлеуметтанудың жеке ғылым ретіндегі шеңберінде басқару
  

• 
  Басқару ғылымдарының жүйесінде басқару әлеуметтануының орны
  

• 
  Қоғамдағы басқару процестерін талдаудың методологиясы мен методикасының негіздерін оқыту;
  

• 
  әлеуметтанушы студенттерді басқару әлеуметтануы саласында әлеуметтанулық зерттеулер жүргізудің методикасы мен техникасына үйрету;
  
• 
  Басқару әлеуметтануының мәселелері бойынша әлеуметтік ақпаратты талдаудың дағдыларын игеруге ықпал ету.
  

«Басқару әлеуметтануы» оқу курсының зерттеу объектісі - әлеуметтік басқару, басшылар мен бағынушылар, басқару технологиялары, ұйымдар, т.б.

Басқару қазіргі қоғамның дамуына әсер ететін маңызды мәселелердің бірі. Басқаруды экономикалық, әлеуметтік, мәдени, саяси саладағы басқару деп бөлеміз. Басшылардың өзі жоғары, орта, төмен деңгейдегі басшылар түрлеріне жіктеле отырып қарастырылады. Басқару шешімдері орындауға қатысушыларды атқарушылар ретінде сипаттаймыз. Персонал ұйымдағы әртүрлі функциялар атқаратын қызметкерлердің жиынтығы. Персоналды басқару басқарудың маңызыд бөлімі.

Басқару әлеуметтануының қарастыратын мәселелердің ауқымы: басқару әлеуметтануының даму тарихы; басқарушылық құрылымдар; басқарушылық қызметтің классификациясы; басқарушылық мамандар; басқарудың негізгі элементтері; басқарушылық шешім қабылдау процесі; жоспарлау мен жобалау басқару функциялары ретінде; басқарудың мемлекеттік құрылымы; әлеуметтік процестерді басқару; әлеуметтік қайшылықтарды басқару; басқарушылық кеңес беру методологиясы мен әдістері.

Басқару әлеуметтануы ХІХ ғасырда АҚШ та қалыптаса бастады. Басқару әлеуметтануының қалыптасуына үлес қосқан әлеуметтанушылар: Ф.Тейлор, Мейо, А.Файоль, М.Вебер. Ресей әлеуметтанушыларынан М.В.Удальцованы, А.И.Пригожинды, А.И.Кравченконы, В.А.Спивакты, С.С.Фроловты атауға болады. Қазақстандық социологтардан Н.А.Аитовтың, М.С.Садырованың, Б.К.Дарменованың қосқан үлестерін атап көрсетуге болады. Жоғарыдағы ғалымдар Қазақстандағы әлеуметтік процестерді басқару мәселесіне, мемлекеттік қызмет және мемлекеттік басқару мәселесіне көңіл бөледі.