Байланысты: Р.Ж.Есимова ІШКІ СЕКРЕЦИЯ БЕЗДЕРІНІҢ ГИСТОЛОГИЯСЫ
Қалқанша безінің қалпына келуі. Бездің паренхимасы көбею қабілетін жоймаған жасушалардан құралған. Қалқанша безінің тироидты паренхимасының дамуы фолликуланың эпителийінің есебінен жүреді. Тироциттер көбейіп, өсе бастағанда фолликуланың көлемі ұлғаяды, оның қатпарлары, өсінділері байқалады. Жаңадан түзілген құрылымдар фолликуланың қуысына қарай орнығады. Бездің осылайша қалпына келуі интрафолликулярлық деп аталады.
Кейде жаңадан пайда болған жасушалар сыртқа қарай бағытталуы мүмкін. Кейін оларда қуыс түзеледі де, жаңа фолликула қалыптасады. Бұл экстрафолликулярлық регенерацияның көрінісі. Екі құбылысты біріктіре фолликулогенез деуге болады.
