| 6
І - БӨЛІМ
ФИЛОСОФИЯ ҰҒЫМЫ ЖӘНЕ ОНЫҢ
ӘЛЕУМЕТТІК-МӘДЕНИ РӨЛІ
Оқу құралының бірінші бөлімінде дүниетаным ұғымымен және
философияның өзіндік жақтарымен байланысты сауалдарға арналған
жауаптар кестелер түрінде берілген. Онда дүниетанымның тарихи типтері
(мифология, дін, философия), оның ерекшеліктері мен құрылымдары
қарастырылады. Сол дәуірлерде өмір сүрген ойшылдардың философия пәні
және онын мән-маңызы жөніндегі пікір-көзқарастары айтылады.
Философиялық ілімдер әр түрлі белгілері бойынша түрлендірілген, сонымен
қатар философиялық ғылымның құрамдас көмекші пәндері мен бөлімдері
көрсетілген. Онда философияның негізгі мәселелері діни, материалистік
және т.б. да түрлі идеялық-философиялық дәстүрлері түрінде көрініс береді.
Философияның әлеуметтік қызметтері мазмұнын ашады, бұл оның қоғам
және адам үшін мәнін де анық көрсете түседі.
Міне, осылайша оқу құралының бірінші бөліміндегі оқу материалында,
оған жете мән берген студент философия ғылымының мән-маңызы, өзіндігі
және оның құрылымы жөнінде жалпы мағлұмат ала алады.
| 
